羅富記粥麵專家 (已結業)

原本想去威記, 行到去陳泗記都唔覺有呢間舖, 就轉左去羅富記叫左碗豬潤魚片粥, 呢間粥底較杰, 豬潤好似水浸發起左咁, 食落唔算香, 個人黎講鐘意食深水步維記o既起沙豬潤, 魚片同生記比又真係差在一節節, 成碗粥只覺得質數平平, 望到檯面玻璃下o既招紙寫住"正宗師譽全鎮", 小欖炸魚球, 送蜆蚧, 就叫左三粒試下, 咬下時內外都熱辣辣, 外表仲脆硬, d魚味仲好過粥入面o既魚片, 不過個人覺得略咸左少少, 送o既蜆蚧用黎配潮州白粥仲好過配魚球。