影片
更多
2018-10-17
2488 瀏覽
甜品對很多人來說真是又愛又恨，很想吃卻又因為高卡而不敢吃太多。其實對女生來說，偶然放縱來個甜品自助餐，是對自己的一大獎勵。早前從報章得知，港島太平洋酒店「中西．環」餐廳與「美國加州士多啤梨協會」聯乘，於下午茶自助餐時段，推出多款期間限定的新鮮加州士多啤梨甜品，所以趁今個月姊妹聚，就相約閨蜜來個 Afternoon Tea Buffet，享受一下悠閒時光。對於這間餐廳，粉絲應該不會陌生，因為筆者曾多次到訪享用自助晚餐，不過嚟食下午茶自助餐還是首次呢！先講下呢個下午茶自助餐嘅供應期及時間：供應日期：2018 年 10 月 1 日至 2018 年 12 月 31 日 (逢星期六、日及公眾假期)供應時間：下午 3 時 15 分至 5 時 15 分 至於收費方面：成人 $228、長者及小童 $178，用 OpenRice coupon 可享 75 折、6 位或以上更可享 7 折優惠 (以上價目須收取以原價計算之加一服務費)，非常划算。雖然個自助餐係以甜品做主題，不過還是決定留返壓軸才品嘗。先由海鮮區出發，海鮮有三款，包括海蝦、藍青口同海蜆。只嘗了凍海蝦，蝦隻 size 雖然唔大，但非常鮮甜、肉質
對於這間餐廳，粉絲應該不會陌生，因為筆者曾多次到訪享用自助晚餐，不過嚟食下午茶自助餐還是首次呢！先講下呢個下午茶自助餐嘅供應期及時間：
供應日期：2018 年 10 月 1 日至 2018 年 12 月 31 日 (逢星期六、日及公眾假期)
供應時間：下午 3 時 15 分至 5 時 15 分
至於收費方面：成人 $228、長者及小童 $178，用 OpenRice coupon 可享 75 折、6 位或以上更可享 7 折優惠 (以上價目須收取以原價計算之加一服務費)，非常划算。
雖然個自助餐係以甜品做主題，不過還是決定留返壓軸才品嘗。先由海鮮區出發，海鮮有三款，包括海蝦、藍青口同海蜆。只嘗了凍海蝦，蝦隻 size 雖然唔大，但非常鮮甜、肉質結實彈牙，加上 refill 得都幾快，實在值得一讚！
刺身方面，選擇唔多，而且款式亦比較大路，但整體質素唔錯。最喜歡就係三文魚，切得片片厚度相若，肉質柔軟嫩滑，可以用來配搭旁邊的冷麵一起吃，調味清爽、別有風味。
自助 Salad Bar 嘅沙律菜款式不少，全部都好新鮮爽脆，而配料方面就有西蘭花、椰菜花、車厘茄、薯仔、火腿、粟米、紅腰豆、木耳、麵包粒等，另外亦有四款醬汁，客人可以自由組合。
食完沙律就輪到吃熱盤，初頭還以為下午茶自助餐嘅熱食，款式唔會太多，但估唔到選擇亦不少，有蝦餃、糯米卷、沙嗲雜錦串燒、娃娃菜、咖哩薯仔、菠蘿火腿、蘿蔔糕、薄餅、雙色香腸、章魚小丸子、雞翼、酥炸三文魚、鮑汁鳳爪、意大利長通粉、切雞飯等。要特別推介當中嘅蝦餃，皮薄煙韌、蝦味亦相當濃郁。另外鮑汁鳳爪亦很有水準，骨膠十足，煮得香濃入味。白切雞雞肉嫩滑，雞皮爽口，配蔥油吃最夾。
至於其他熱食就仲有三文治、兩款熱湯同即煮粉麵。三文治味道唔錯，麵包夠鬆軟，用料豐富，一邊係碎蛋沙律，而另一邊就係火腿芝士，所以非常厚身，拎上手已經好滿足。湯品一中一西，有老黃瓜排骨湯同羅宋湯，老黃瓜清潤可口，消暑散熱，老少咸宜。
士多啤梨配香梨奶油慕絲蛋糕食完熱盤，當然輪到品嘗今次嘅主角：加州士多啤梨甜品，包括有士多啤梨配香梨奶油慕絲蛋糕、加州士多啤梨班戟、加州士多啤梨芝士批、士多啤梨意大利芝士餅、士多啤梨酥皮慕絲蛋糕及士多啤梨配香橙干邑甜酒蛋白餅等。慕絲蛋糕賣相非常精美，外圍鋪滿剖開了的士多啤梨，蛋糕入口輕盈軟滑，不甜不膩。
加州士多啤梨班戟班戟一層疊一層，入面夾滿甜美的士多啤梨片，疊起來吃倍添滋味。
加州士多啤梨芝士批士多啤梨批嘅餅底非常脆口，而且吃到牛油香。蛋糕每啖吃下去都很細滑，入口即溶。不過講到最搶眼，還是面頭嘅士多啤梨，顆顆鮮紅，嬌豔欲滴，簡直令人怦然心動。
士多啤梨意大利芝士餅
士多啤梨酥皮慕絲蛋糕
酥皮慕絲蛋糕亦很有水準，酥皮鬆化，中間夾著幼滑的吉士醬，配埋士多啤梨片，入口香脆微甜，十分好吃。
士多啤梨配香橙干邑甜酒蛋白餅
另外仲有幾款的骰嘅蛋糕仔、色彩繽紛嘅馬卡龍、蛋撻、麵包布甸、中式糖水，如豆腐花、芝麻糊等。中式糖水隔離有懷舊小食，包括有糖蘇仁偭，陳皮梅、懷舊秘製飛機欖、菩提金桔同佛手果，用嚟過下口癮都唔錯。
港式雞蛋仔亦係一個絕對唔可以錯過嘅 Item，即叫即製，特意叫師傅烘得微焦一點，入口外脆內軟又唔會過腍，而且仲可以揀原味、士多啤梨味同綠茶味，用嚟配 Dreyers 雪糕吃，一冷一熱，味道超夾。
壓尾記得食番啲水果解下膩，有哈密瓜、西瓜同菠蘿。菠蘿非常好吃，肉脆而且沒有渣，清甜多汁。臨走前看了餐廳門口的 Poster，原來餐廳夜晚做緊「棋」趣大笪地海鮮自助晚餐，除了冰鎮海鮮，聽說每位食客還可獲贈「黑松露蟹肉焗響螺」乙份，而且更有懷舊遊戲棋造型甜品供應，睇嚟又要約齊班好姊妹再嚟擦番餐！
張貼
