Fûhn (The L. Square) (已結業)

跟朋友來到銅鑼灣一間樓上舖食越南嘢, 由於店舖在一樓, 我們不用排隊等lift上樓, 行幾級樓梯就入到舖內, 見到差不多每枱人都在食一個超級大碗的粉, 非常好奇, 座低睇餐牌, 原來這大碗越南粉是他們的鎮店之寶, 好多人來就是為食他的這超級大碗的越南粉, 連間店舖名都係叫做”Fuhn”.於是我們都order了一個XL份量的越南特式牛湯粉, 另外又叫了些越南小食, 我們大家可以share來食. 當XL份量的特式牛湯粉來到我們面前時, 個個都哇哇聲, 真的是超級大碗, 而且聞到非常香的牛肉味, 聞到都好想食, 大碗粉仲會另外奉上一小碗新鮮芽菜及一大扎新鮮的越南香葉(有薄荷葉, 魚腥草, 九層塔等等), 可隨各人喜好放入大碗粉中浸一浸就食得. 我好奇的撈一撈這特式牛肉粉, 見到裡面好多料, 有牛腩, 生牛肉, 牛柏葉, 牛筋等等, 而且D越南粉好幼, 應該只有我們廣東湯河的一半咁幼身, 但食落口一D都唔怕林, 有D咬口, 又索晒牛肉湯的味道, 好食! 我最欣賞的是他的牛肉湯, 牛肉味濃郁, 好香, 伴住越南粉送入口真的是好好味, 食完一D都唔覺得口渴, 即証明這上湯真的是用牛骨牛肉煲出來的香