Steak Together (已結業)

粉嶺火車站行五分鐘就到的西餐廳環境幾靚，坐得舒服 唔逼狹二人套餐都幾豐富，睇得出小食同sauce都有心思包括小食拼盤、沙律、湯、兩份主食及甜品沙律份量唔少，但略嫌醬太多，太咸小食拼盤味道唔錯，有春卷、雞翼同肉丸。其實食完前菜已經飽左一半，兩個人點左豬手同肉眼，主菜都幾豐富，唔係有啲餐廳咁頹廢的兩塊翠玉瓜做伴碟就算。扒有扒味，豬手有豬手味，塊扒都幾靚。不過幾大減分位係 不論係作為前菜的小食拼盤，還是薯條，黎到既時候都係暖既。薯條一黎到即刻食落口都係淋既，雞翼亦食得出唔係即炸，令人好懷疑係唔係一早整定而唔係即整。呢點都幾扣分。甜品係牛角窩夫朱古力蛋糕，窩夫係牛角包酥皮質地，夾埋朱古力雪糕，就算飽到上心口都好味到兩啖就食晒整體而言，食物性價比都幾高，菜色唔頹（稱得上有心思），味道唔差，但真係炸物類不合格。下次會想再試下意粉。