影片
更多
2022-05-24
246 瀏覽
晚上跟女友行到累想揾間西餐廳落腳，路經此店門外睇見格局氣氛同Menu都應該有信心就踏入門口試下呢間餐廳！但坐低左之後，秒速令你火上頭既事情就開始啦，我一一列點比大家容易睇！1: 做Waiter唔使講野，只需大動作有性格地點頭回應你問題到達門口既時間係晚上20:50分，帶位姐姐同我地講9:15Last Order冇問題入門口，由於第一次黎食，對Menu唔熟識問左一位哥哥仔Waiter幾個問題，由頭到尾呢位哥哥仔好有性格，問咩都係大大動作上下點頭回應我地，一句說話都冇同我地講過，呢個係第一個加分位！當晚我地叫左兩份Set 既菜單如下：Appetizer: Tuna Avocado Tartare / Classic French Onion SoupMain:Vegan Lasagna / Italian Seafood RisottoDessest:Tiramisu / Semifreddo Cappuccino另外加$60追加兩隻生蠔兩份，以及飲品加$35轉Mocktails!2: 野食未到，未夠鐘Last Order就走過黎同我地Last Order我地冇搵個位有性格既哥哥仔而叫左令
1: 做Waiter唔使講野，只需大動作有性格地點頭回應你問題
到達門口既時間係晚上20:50分，帶位姐姐同我地講9:15Last Order冇問題入門口，由於第一次黎食，對Menu唔熟識問左一位哥哥仔Waiter幾個問題，由頭到尾呢位哥哥仔好有性格，問咩都係大大動作上下點頭回應我地，一句說話都冇同我地講過，呢個係第一個加分位！
當晚我地叫左兩份Set 既菜單如下：
Appetizer: Tuna Avocado Tartare / Classic French Onion Soup
Main:Vegan Lasagna / Italian Seafood Risotto
Dessest:Tiramisu / Semifreddo Cappuccino
另外加$60追加兩隻生蠔兩份，以及飲品加$35轉Mocktails!
2: 野食未到，未夠鐘Last Order就走過黎同我地Last Order
我地冇搵個位有性格既哥哥仔而叫左令一位識得正常對答既Waiter幫忙落單，落完單行開左都唔夠兩分鐘，令一位姐姐就走過黎問我地仲有冇野需要叫因為Last Order, 我望下隻錶20:55分，野都未黎問我仲有冇野加，呢間餐廳集團咁樣教係記做野？
3: 所有食物冇分頭湯大，一次過上哂比你！
第一樣黎既野食唔係生蠔，係個湯，唔夠一分鐘個他他沙律都黎，再唔夠幾分鐘兩個主菜罷埋0係你面前，最後先到個生蠔囉過黎，我地當刻直頭覺得自己入左翠華定意粉屋食野？又係個集團冇要求定你地唔識點跟返正式西餐點樣上菜比客人？
4:食物賣相差，份量小得驚人！
吞拿魚牛油果他他沙律：
味道其實都唔錯，但老實講牛油果配Tuna定三文魚都唔會衰，除非D魚唔新鮮，但賣相就嚇死人，就咁搵隻碟一坺野達上隻碟度就上菜，完全冇任何賣相可言，而且真係一坺野咁大把既份量，相若一個雪糕球咁上下份量，大家想知點樣相信去睇下食評相都有人放可以睇到！
素食千層麵：
個Size黎到罷上桌，你唔講我仲以為係頭盤，我地兩個人每人囉餐羹筆兩啖就食完，你話如果兩位男士Share咁食，又或者你約朋友黎食飯個主菜兩啖就食哂，你話個畫面幾老尷呢？
5: 野飲跟漏單，叫少冰成杯冰比你，質問下仲搵藉口唔認錯！
叫左兩杯Mocktaails成餐飯食完，野飲仲未到, 同waiter講完見水吧開始做野五分鐘後先黎到，好明顯係跟漏單，女友杯野飲落單時叫少冰黎到成杯冰，問返落野飲單0個位哥哥係咪冇同水吧講少冰？佢答我地話：「Mocktails 0個D通常都要咁多冰，平時成杯都係冰！」之後走左去，完全冇打算幫我地囉返杯野飲返去夾返走D冰，到底呢間餐廳既員工有冇做過培訓？呢D答覆連翠華都唔敢咁答個客！
最後做返個食品味道總結： 味道屬正常西餐表現，但普遍份量就少得可憐，唯獨個Risotto叫做有多幾啖飯你罷入口，洋蔥湯欠缺酒味，估計用左好多味精湯去做個湯底整出黎，食完上網睇返先知呢間野原來係好多人慕名而黎既米芝蓮餐廳，我同女友真係當堂「唔係麻！」左一聲出黎！呢D打卡潮店我都係勸大家少去為妙！免得大家滿心期望出返黎連一餐正常西餐水準都做唔到比你時你會大失所望好似我咁上黎吐苦水！
最重要係佢既價錢同食品／服務貨不對辦！
張貼
