朋友介紹間老牌米芝蓮小菜館，同老細揼完骨過嚟試下，點知堅好食！
招牌第一雞
皮又爽肉又滑，仲要好有雞味！咬落去仲好彈牙，同啲冰鮮雞真係冇得比！最難得嘅係佢竟然提供埋啲「扶翅」（雞肉臟），而家真係少之又少～但係亦都可以睇到佢哋對新鮮食材嘅自信！
蒜香骨
外面脆卜卜，入面啲肉居然又鬆化又Juicy！個廚師真係有料喎。
胡椒焗蝦
成鍋都係胡椒粒，加埋九層塔係砂鍋度滋滋聲，香到癲啊！連蝦殼都脆到可以食埋～
鍋貼小棠菜
老細最鍾意食呢個，外脆內軟仲有蝦鮮味，點埋個酸甜汁，真係無得頂！
瑤柱扒豆苗
哇！個瑤柱汁正到呢～有海味嘅鹹鮮，但又唔會蓋過豆苗嘅清甜，係我食過最好味嘅一次！
米芝蓮推介果然冇吹水！難怪一晏咗就爆棚，想食真係要早啲嚟或者訂位，下次一定要帶屋企人再嚟過！
5
1
