影片
更多
2019-09-21
65 瀏覽
Cubus呢橦大廈內嘅每一間食店都係非常有水準，今次我哋就黎到7樓呢間連續五年獲得米芝蓮推介嘅「玄鮨」品嘗日本菜一入到餐廳就見到典雅舒適嘅和式裝潢，環境寧靜雅致，完全表現出高檔日本餐廳嘅格調。坐低之後，第一時間就睇睇個menu啦！Menu只有日文同英文，我哋係睇得明嘅，不過侍應都好有耐性咁為我哋介紹。Lunch Menu有十個set，四款為壽司、刺身、魚生飯類嘅凍食，其餘就係熱食，其中兩款仲有A4和牛架！我哋prefer食刺身，又唔想食咁多飯，於是就叫咗刺身ランチ（$330）同特上ちらし（$360）。前菜漬物酸酸甜甜好開胃。茶碗蒸食落非常滑溜，用料豐富，有三葉、蜆肉、雞肉、冬菇同銀杏，難怪味道鮮甜又帶點清新啦！仲有一個煮物嘅前菜，係醬油煮蓮藕同肉，煮得好入味，都幾好食。刺身ランチ多款刺身包括魚類、貝類、蝦、魷魚，全部都超級鮮味！其中最愛拖羅充滿油香，軟嫩無筋！仲有帆立貝厚肉有彈性；鮮甜美味特上ちらし：刺身舖滿個面，完全睇唔到d飯大部分嘅刺身係刺身ランチ都有嘅，但海膽同三文魚籽就丼飯同壽司先有。海膽飽滿滑順，入口即溶，啖啖濃厚鮮味，好幸福呀～三文魚籽亦帶有濃郁嘅鹹香，佐飯一流。每個set
一入到餐廳就見到典雅舒適嘅和式裝潢，環境寧靜雅致，完全表現出高檔日本餐廳嘅格調。
坐低之後，第一時間就睇睇個menu啦！Menu只有日文同英文，我哋係睇得明嘅，不過侍應都好有耐性咁為我哋介紹。Lunch Menu有十個set，四款為壽司、刺身、魚生飯類嘅凍食，其餘就係熱食，其中兩款仲有A4和牛架！我哋prefer食刺身，又唔想食咁多飯，於是就叫咗刺身ランチ（$330）同特上ちらし（$360）。
前菜漬物酸酸甜甜好開胃。
茶碗蒸食落非常滑溜，用料豐富，有三葉、蜆肉、雞肉、冬菇同銀杏，難怪味道鮮甜又帶點清新啦！
仲有一個煮物嘅前菜，係醬油煮蓮藕同肉，煮得好入味，都幾好食。
刺身ランチ多款刺身包括魚類、貝類、蝦、魷魚，全部都超級鮮味！其中最愛拖羅充滿油香，軟嫩無筋！仲有帆立貝厚肉有彈性；鮮甜美味
特上ちらし：刺身舖滿個面，完全睇唔到d飯大部分嘅刺身係刺身ランチ都有嘅，但海膽同三文魚籽就丼飯同壽司先有。海膽飽滿滑順，入口即溶，啖啖濃厚鮮味，好幸福呀～三文魚籽亦帶有濃郁嘅鹹香，佐飯一流。
每個set都附有味噌湯，唔算好特別，味道ok 啦。
最後黎個山竹雪葩，本身山竹都唔係常食嘅水果，做成雪葩出面又更少有機會食到，味道酸酸地幾特別！
老實講，呢到價位真係幾高，不過食材每日由日本直送，品質上等，行政主廚擁有二十年經驗，廚師手藝優秀兼正宗，加埋米芝蓮推介，一分錢一分貨，值得一試嘅~
張貼
