添好運點心專門店

營業中

休息中

聞說尼間餐廳好耐啦，今日終於有機會試一試，九點零鐘去到大排長龍，三個人等咗半個鐘。入座後，發現餐廳環境唔算太逼，不過只碗就好精緻，落咗單，等食物上來。首先上咗菜乾排骨粥，菜乾爽口，排骨新鮮，味道清淡。白灼西生菜，脆，鮮，甜。招牌叉燒包，味道一流，新鮮出爐，熱氣騰騰，叉燒鹹中帶些少甜味，皮酥。蝦餃、鳳爪，即點即做。蝦餃皮晶瑩剔透，煙韌適中，蝦肉鮮彈牙爽口，新鮮甜美。鳳爪豉汁入味，膠質出晒，軟恁。黃沙豬潤腸，豬潤脆口甜美不老還有酒味，唔腥，腸粉皮薄，少少煙韌。糯米雞份量足，糯米上等，餡料十足有雞肉、叉燒、潤腸等。令人大飽口福！餐廳環境還可以，啊姐D服務還不錯，勤力快手！