前菜開始已經好有誠意，三碟入邊我最鍾意個龍蝦沙律
Citrus醃過嘅Hamachi，酸甜清爽，好開胃。
龍蝦沙律個龍蝦都好鮮甜，配上牛油果、西芹、青瓜，成個配搭好平衡。
仲有鬆軟得嚟滿載芝士香嘅梳乎蛋Omelette，入口即溶，芝士味香濃。
主菜係法式烤黃雞，皮脆肉嫩，配上越光米，幾好食。
甜品有五款自家製dessert可以揀，每一款都好精緻。
我哋嗌咗兩款，食落唔會好甜，都幾好清新。
嗰日我哋1點食到4點，一路食吓，飲吓嘢，傾吓偈。
無論係食物、氣氛定服務，都好值得慢慢享受，嗰日都打咗好多卡🤣
