米線陣 (已結業)

原來即日起至2018年6月17日，去大埔富善商場米線陣，堂食惠顧米線自由配，用 $1 就可以食到 $5 或者 $6 配餸一款，最多可選2款配餸！見到咁抵，我當然要去試吓啦！我叫左蕃茄湯米線（$29），加$1香辣炸醬，再加$1要雞髀肉。然後加左（$9）叫咗一杯凍鮮檸菜蜜。因為當日剛巧係海洋公園保育基金舉辦既「無飲筒日」，而米線陣係其中一間有參與的餐廳，所以當日凍飲也沒有提供飲筒。蕃茄湯的確用鮮蕃茄煲，不過略嫌清左啲。雞髀肉嫩滑，雖然係雪藏雞髀，但處理得都唔錯，起碼冇雪味。香辣炸醬，有辣味，有豬肉味。加左落啲米線度之後，米線滋味很多。不過唔夠香，總係覺得味道差少少。一碗米線再加一杯凍飲，合共花了$40😉都算抵。