米線陣 (已結業)

第一次來食 唔知道店內吖姐講嘅所謂「我啲碗碗麵都有芫荽」穩陣嗌豬骨湯 結果成碗都係至憎的芫荽 既然要用二維碼落單 梗係要講清楚碗米線有d咩 隻字冇提芫荽 更沒有選擇剔走食材的選項 請問係咪默許所有人都可以接受芫荽？？？唔係話唔可以有，尊重所有喜好，但作為連鎖餐廳至少比返完整嘅資訊食客吖！唔該比個機會我啲d「少眾」唔食芫荽嘅人食到一餐可以接受的安樂茶飯未完 d 雞肉緊大陣噏味 又硬 真係頂唔順 同譚*/ 三*比真係差天共地絕對係我食過最難食既米線！

睇左好多食評都係劣評，但午餐時段又有好多學生排隊嘅米線，咁係好食定唔好食呢🤔，經過過好多次，亦卻步左好多次，企喺門口睇左好耐餐牌，思前想後食乜好呢🤯今次終於行左入去⋯⋯外賣嚟講⋯今次選擇有驚喜，竟然比我想像中好的！叫左個酸辣粉：轉左薯粉～口感煙韌👍🏻配料豐富，五花腩、炸菜、花生、芽菜、鹵蛋、芫茜，湯底又夠酸⋯正！！！仲有足夠湯俾你加，我只倒左半碗湯，一路食⋯一路加湯午市仲有杯熱飲送#我應該揀啱左最穩陣之選

經過突然間想食米線，諗住主打米線應該唔差落單唔使5分鐘就送上枱，見到得一塊腐竹，心唸應該唔會咁孤寒啩🙁摷下個底，真係只有一塊腐竹，3-4件雞肉腩肉有6-7片，薄如紙片😖整體來講，有其名叫米線陣但完全冇米線之神髓😫凍檸茶$2⋯⋯反而有濃郁茶香😍真心唔會再嚟食☹️

午餐，叫了一個炸醬蕃茄湯米線，圖片如下：一碗只鹹蕃茄味淡無的雞精水，配上像被人食了一半的米線拌上半熟的芽菜，這片經歷滄桑的爛蓉蓉腐竹。上菜時，我呆滯了。看一眼廚房又看一眼這碗，你們都好意思端出來？片刻，我忍無可忍向侍應查詢一下這碗東西，侍應的回覆如陳述鐵一般的事實。侍應：對，腐竹只會給一片，蕃茄湯就是這樣，你想點。我：（無言）那給我多點蕃茄吧。。。吃了數次的我，竟沒發現原來腐竹只有一片，每次食到兩三四五片全是彩數。這蕃茄湯賣點不是蕃茄酸甜味，是如清水火鍋吃的鮮味，雞精味精都是鮮味。米線之所以少，是符合現代文化——惜食，怕顧客浪費的話就給少點，既符合惜食又有成本效益。當然侍應的確如實回應碗內有什麼，因為真的只有這些。如這樣的話，我確是怪不得你阿。侍應的態度，我也不是嚴人寬己的人。當時我看到這東西只有呆滯也顧不上禮貌，當他給我內裏凍蕃茄時，我也沒說謝謝。內心只想，草草食完，喝杯水，壓壓驚，回到現實。

今早去左樓上叫左個早餐，沙嗲牛肉公仔麵，跟火腿 炒蛋 餐包，一杯凍奶茶。先講下沙嗲牛肉麵先，肉質嫩，唔老，口感幾好，但衰在湯底太咸，如果煮面個位唔想試味，咁不如整淡d 個湯，起碼我可以加下辣淑椒油，咸到食唔到！火腿，純粹浸熟，但咁咪出事囉，雪味重!下次煎煎它啦！餐包，啫係咁，比餐包我，比埋牛油，但餐包唔熱，牛油點會溶化，咁咪唔好食囉！凍奶茶，真係好好飲，茶唔澀，奶雖然多，但奶唔會遮蓋左原本既茶味，甜度適合，有機會去到只係飲凍奶茶，無得輸！推薦奶茶！

今日聖誕節，6點後無堂食，睇完燈飾就番大埔，去到新達睇下有咩外買番去食，最後我地去左米線陣，買米線。二人餐跟兩個米線2，每碗有兩個餸，可以簡9元或以下(咁當然簡9元啦)。仲有一個主食，一個菜，仲有兩杯熱飲。一人同二人餐都有85，有折就好抵食了，114.8就有二人餐。我繼續叫麻辣(大辣)，今次叫兩個9元餸(牛展，肥牛)。另一碗唔辣就叫了(牛展，牛肚)，主食叫了大汗豬扒，菜就叫了蘿蔔炆冬菇。服務員好好，可以比我入去坐住等，因為整碗米線都要10幾分鐘，可以坐住邊等邊打食評。大汗豬扒每次必點，有四件好好食，厚肉但好淋，好鬆軟，有點辣。米線都好大碗，麻辣湯底要加兩元，有炸菜和辣肉碎，米線煮得岩岩好。

今晚無煮飯，唸住買外賣食，想食米線陣就去左 社交平台 睇下有咩好食，知到用手機點餐有得用 $3元換青瓜粉皮，仲有$9 換大汗豬頸肉。原來無apps 落單，要用QR code掃網頁url 經網站落單，係 社交平台 同網站都搵唔到新達廣場個qr code，咁就落樓去到餐廳門口才下單。去到分店問了服務員給了張有qr code 的卡片就開始下單(一早有這qr code 就可以一早落定單才落樓啦)。第一次落單覺得不易用，用了20分鐘才完成落單。另一個不太好用的付款方式，只可以用visa 比錢，用visa 要入number 又要入日期，最後仲要verify code，都幾花時間，可以wechat pay 或 payme 或 fps 應該能快多了。可能少人，都好快出食物。食物方面當然就不錯，唔係都唔叫，價錢中等不算平，也不太貴。希望米線陣能看到這篇，期待出apps，因為apps 可以直接選地區餐廳，還有付款希望能有其他選擇。

心血來潮想食米線做晚餐，呢間連鎖店都好多分店，唔難搵今次試咗香辣番茄湯底，餸就叫咗手打豬肉丸加炸醬湯底方面味道正常，個人略嫌啲蕃茄少咗啲，如果俾多啲番茄肉會開心好多手打豬肉丸，味道都OK嘅，有啲似自己屋企整嘅味道個炸醬都有啲驚喜，味道偏濃味，幾啱送飯，感覺有啲似台式滷肉嗰種感覺幾特別總體來講，份量都算多，但性價比我就覺得普通，好耐之後再食一次應該都OK嘅，如果係講食米線，咁嘅價錢，可以搵到個好嘅選擇

我覺得米線陣算係一間比較乾淨企理嘅米線店鋪，因為好多時去其他米線鋪頭感覺上都冇咁整潔，油煙味重，所以食米線嘅話我都Prefer嚟呢度食。今日叫咗個雞髀擔擔面米線，雞髀肉都算多，但係米線份量就好似少咁啲，湯底味道唔錯，對我來講有少少辣，但味道係ok，鍾意佢有少少芫荽喺面。舖頭設計光猛，坐得都算舒服，不過人多時始終都會有啲嘈。食擔擔面一定要叫返個凍檸茶，呢度茶底都算唔錯，快靚正食完個擔擔麵好快就返屋企。

近排腸胃不舒服，時常想食清淡的食物，就選擇了這間臨近大埔墟火車站的米線陣。室內裝潢幾靚，鋪面乾淨整潔。我點了番茄湯（HKD 32) 加6蚊選擇清湯蘿蔔番茄湯十分高質，有好多番茄粒，目測有半個至一個番茄，酸甜適中。不過原本番茄湯的配菜不多，只有芽菜及芫荽。而清湯蘿蔔味道中規中矩，味道清甜沒有渣。比較特別的是這杯青瓜豆漿，豆漿入面有細細粒攪碎的青瓜，味道十分清新，值得一試 總體而言，味道質素不錯，環境優美，價錢實惠

米線陣都算係便得比較大既米線專門店。佢最大特色係有好蛋唔同味道既米線，連飯呀小食都有。最中意佢個大汗雞翼同蜜糖雞翼，好好味😋 整體黎講可能比譚記更抵食！呢排更加開放做會員，送好多優惠卷，大家快啲去啦！👍🏻

香港最想食既粉面除左雲吞麵之後就係米線！眼見專食米線既鋪頭越開越多，有時真係好難選擇。今次就試下比較新既「米線陣」！下午茶時間黎到冇咩人，唔洗等位！原來佢地除左米線之外仲有其他下午茶餐，有豬排包，三文治等等。我就叫左個豬排米線加$4轉左擔擔湯底！豬排新鮮炸起，味道適中，唔會太咸又唔鞋口！擔擔湯底濃郁，食落好香花生味，有少少辣！朋友就叫左個豬排包配一口餃子米線！豬排都係新鮮炸起配上沙律醬，幾好味！不過個包就係凍既，一齊熱上會比較好同埋可以多啲醬！整體都ok幾抵食

今朝去咗米缐陣食咗個靚早餐，叫咗一個雪菜肉絲米通粉套餐（$33），煎蛋、法蘭克福腸，套餐配有牛油扭紋餐包及熱檸蜜。《雪菜肉絲米通粉》雪菜同肉絲嘅份量都唔少，至少我食到尾嘅時候，依然有雪菜同肉絲相伴米通粉😆米通粉比一般通粉多咗一啲煙韌，口感不俗。吸收咗啲上湯之後，味道絕對比一般通粉好多了。因為一般通粉浸耐咗之後，口感會變得淋身。而米通粉加埋胡椒粉和上湯一齊食，絕對滋味！😋我個人就好喜歡💕❤️如果大家同我一樣食通粉食得比較慢，一定有遇到一個問題，就係啲湯會吸晒🙈原來唔使驚！米線陣嘅職員原來可以幫你加湯！咁就食得慢啲都唔驚啦！《煎熟蛋》因為我唔鍾意食生嘅雞蛋🥚，所以我叫咗煎熟蛋，雖然佢嘅煎熟蛋唔夠完美，不過的確係熟咗👍🏻，同埋有少少香口。《法蘭克福腸》雖然比我想像嘅細條，唔知點解我會覺得法蘭克福腸係大條嗰啲😂不過味道都OK《牛油扭紋餐包》餐包上枱嘅時候，仲係微暖，抵讚！😍

平時喺度食麵多，不過今日做野需要多D體力，所以就揀左食飯今次揀左個番茄牛肉蛋包飯，味道唔錯番茄味夠濃有齊哂我鐘意嘅甜甜酸酸嘅味道下次嚟呢度唔單止可以食麵，試下D飯都唔錯

唔係講笑 個涼拌粉皮真係超級難食 成世都未食過咁難食嘅粉皮 個質感完全唔似粉皮 個醬都難食到不得了 完全唔知咩味黎 難食到我第一次要係openrice食評話俾大家知：千祈唔好食