麻酸樂米線專門店 (都會駅) (已結業)

呢間下午茶餐幾抵食，所以一到2:30就拉埋老公二個人落去。 $38迷你米線（揀二餸）加配小食，奉送熱或凍綠茶。我個手打丸、腐皮角，蕃茄炸菜湯米粉同皮蛋豆腐到啦😍！嘩～好似好多野食，好豐富。佢個手打丸幾好味，味道似貢丸，豬肉溝冬菇，不過我覺得比貢丸好味，可能係手打嘅原因，囗感比較彈牙。湯底都唔錯，鹹鹹酸酸好開胃，仲周不時食到㷛到爛曬嘅蕃茄，正👍🏻！至於個皮蛋豆腐都可以，豆腐好滑，配埋皮蛋、川醬，好味道，個川醬汁只係微微辣，都岩我呢D唔太食得辣嘅人。