麻酸樂米線專門店 (都會駅) (已結業)

見到兩點，未食lunch嘅我，就一個人去食返個tea，諗住tea抵食d嘛！呢間就喺屋企附近夠方便，拎左張飛等左兩分鐘就有位啦！由於係下午茶時間加埋附近有幾間中學加大專院校，所以都幾滿架。客人好多。。。但員工得兩三個，又要落單，又要收錢，又要傳菜，仲要清潔個位，真係佢地一人有十隻手都唔夠呀！所以我等左10分鐘先落到單!食物就成20分鐘先到呀！真係要請多少少人呀！食物水準方面，一個平價下午茶餐真係要降低少少要求架。我叫左一碗酸辣湯拉麵，兩個餸，分別係墨魚丸同燕餃。首先講下個湯底先，個麵一嚟我仲以為錯左，因為個湯好紅，又有d番茄肉喺入面，我以為俾錯左番茄湯底，個刻我有d趕時間所以無問就照食啦！飲啖湯又真係酸酸地辣辣地架wor!真可愛!個麵底就。。。我想話我d牙健在。。d麵洗唔洗咁淋呀！無牙都食到呀！好彩墨魚丸同燕餃係正常野!雖然個麵個質地麻麻，但$40嘅茶餐，呢個水準，已經算ok!仲有個小食+野飲 夫復何求呢～

我最喜愛酸辣之物。今日與友人共赴晚膳，找了附近以酸辣米線命名的麻酸樂米線專門店，打算以便宜價錢，隨便填飽肚子，再趕快回家避疫。怎知便宜不算是十分便宜，味道也在平均以下。我們各叫了一碗麵，然後再叫一碟小食分享。一開始便開宗明義表明極愛酸辣的我，叫了牛大哥米粉配酸辣湯底($50)。員工沒有問我要多少辣。我直至看收據時才知道可以選擇。牛大哥米粉酸辣湯底，配菜不少，然而米粉散碎，酸辣湯底還有一股蕃茄的味道，一開始我還以為是錯單。酸不夠酸，辣不夠辣。朋友叫極尚鮮米線配清湯($52)，配菜奇少，米線更是彷彿被人吃了幾口般缺了一角。友人坦言難食不飽，要我分點米粉給他。小菜是有機龍崗雞配麻酸汁($41)，名字有趣才叫。比起兩款麵，這個好吃得多，醬汁惹味，肉質「鞋口」也就算了。最後，我只能說：這個價錢，吃米線有很多選擇。

年假後疫情更嚴重，但係工都係要返，擔心自己，屋企人，朋友健康之餘亦希望香港嘅疫症快啲受到控制。食肆好受影響，好多地方都好靜，我諗外賣比較多。呢間位於調景嶺嘅米線店舖亦係好清靜，我哋幾個坐低後除低珍貴嘅口罩後，點咗啲食物，有主食有小食，之後都靜靜咁睇電話上嘅口罩資訊。講返食物，主食同小食都唔錯，服務就一般，都幾乾淨，唔錯。精選小食類：鹵水拼盤(鹵水蛋，雞翼，豬耳，腱心牛肉)，豬耳，牛腱都又淋入味，蛋同雞翼都幾好。脆炸吉列魚柳(千島醬)，五件魚柳，肉質唔會太鬆散，熱辣辣，幾好味。招牌十式米線，十款餸，以呢個價錢嚟講我覺得每樣一件有啲少，清清哋唔太淡都可以，只係份量少咗啲。肉燥板煎雞扒飯，有肉燥送飯唔會乾，肉燥鹹淡適中，肉碎亦唔會鞋，送飯啱啱好，雞扒係生煎，肉質夠嫩，滿意。下午茶：迷你手撕雞撈紅薯粉配手拍青瓜，雞絲有少少韌，麻醬汁唔太多，都夠味，薯粉彈牙，花生脆口，口感豐富。飲品選擇唔多。+$3凍低糖綠茶+$6凍奶茶+$6凍檸檬茶

竟然俾我發現咁既價錢可以食到我想要既野, 真係好興奮！【特色牛肉粒飯＋(熱)茉香綠茶 $(48)】牛用與酸辣汁夠晒惹味, 口感還不錯, 尤其是白飯煮得超級好吃, 價錢好合理！P.S. 絕對會再返黎食。

已投訴多次沙嗲牛肉公仔麵太咸，亦每次都在落單前提醒服務員！可是依然沒有改善，拿出來的沙嗲牛肉公仔麵還是太咸，每次都要多拿一杯熱開水沖淡方可入口，實在是令人失望！

其實住喺呢度，呢間嘢我都食咗好多年，只可以講街坊生意，求其選擇都要食！ 住喺呢個站嘅人都知呢度其實選擇唔多 ！近排啲嘢差咗已經不在話下，但係呢度啲阿姐嘅態度簡直係令人討厭！尤其是係黑衫嗰兩位！其中一個高啲嗰個黑衫阿嬋，完全係好似唔願做嘅態度，有位唔放人入去，人哋問佢佢仲"得"人一句“你咪等下囉!"😠但係入面有好多張吉枱!!一個阿姐響度買緊暖水壺，佢行埋呢就闊佬懶理！一啲服務行業嘅精神都冇！明明係執好曬枱！就係因為人哋問完佢一句，佢唔順氣專登hold住曬啲枱唔放人入嚟！！ 呢啲係乜嘢態度呀！！？好似嚟食嘢要乞佢咁樣！！一肚氣！😡😡😠😠🤬🤬

想食米線，除左慣常食開嘅譚性男子米線店，呢間都行過都會幫襯嘅! 多款米線套餐，價錢都合理化 點選極尚鮮米線 ($51)，配料都幾豐富架，豬牛鷄肉都有，仲有豬潤，韭菜，腐皮同芽菜呢D就係米線膽拖啦 幾款湯底選擇，今碗選擇皮蛋芫茜湯底，湯嘅份量比較少; 米線可轉米粉，但呢度原來米粉唔係我食開果D，比較滑身，下次都係食返米線! 豬潤超級大件又厚切，快速用熱湯再浸多一陣先食，口感幾爽脆 送冷熱綠茶一杯，我就加左$6轉飲凍奶茶，都幾香滑 仲叫多款小食送米線，就係呢客蒙古大汗鷄翼，一客4隻，趁熱食，外皮帶點香脆，灑上調味料增加惹味但又唔會好濃味，味道都唔錯! 呢度除左有米線食，仲有二人火鍋套餐上市，都幾受歡迎，下次可以試下!

好耐冇去過麻酸樂，今次我主要想講下佢嘅小食，係脆皮春卷，其實聽個名我真係覺得幾吸引，始終呢啲香口野有邊個唔鍾意食！上菜嘅速度都幾快嘅，不過服務態度就有待改善，春卷嘅質素有少少失望，佢嘅甜辣醬俾得好足，可惜春卷唔係熱，而且好油膩，冇脆皮嘅感覺，我期待嘅外脆內軟嘅感覺，都冇，真係有啲失望㗎，食完之後真係覺得好油，依個春卷其實冇咩味道，油既感覺佔大多數，希望會有少少改善啦，因為佢嘅主食都幾好食嘅！係小息有少少失望！

無意中發現麻酸樂係附近，心諗好多年無食過，分店又勁少，所以就去試下！去到店，等左一陣就到我地2位入到店，佢超旺，所以啲位都幾逼既；而且可能多人，落完單都等左15-20分鐘先有野食到友人叫左個十盛米線，雞湯，樣樣都可以試下咁咁多款料，最好食係冬菇同牛丸，冬菇好香菇味，牛丸好濃味，2款都好值得食至於其他....可以唔洗特別試而我就叫左冰豆腐同蛋餃味道正正常常啦，豆腐有啲硬身，蛋餃幾有味，但都屬普通佢2個餐都送凍/熱既低糖綠茶呢2杯綠茶低糖到好似無糖咁，都叫健康既....另外仲加多個小食，腐皮蝦卷，口感似食墨魚丸，唔太特別，係襯個醬幾好食最後，想食米線既都會仲想黎食多次既

🥘一品雞煲二人餐 $158養生杞子紅棗雞煲 + 特式拼盤 + 雙色拼盤 + 滷水拼盤 + 飯品x2熱綠茶係用三角茶包，正常綠茶味特色拼盤有冰豆腐、手打肉丸、順德魚腐、墨魚丸、雪場蟹棒、金菇、蕃茄、珍珠雲耳、芽菜、腐竹、唐生菜、米線材料雖不特別，但勝在好豐富多種類，正宗中式火鍋🍲雙色拼盤有鮮牛肉同鮮雞柳，都醃製過牛肉的口感彈牙，有少少好似酒的味道，感覺怪怪的，食左2舊就無食😥雞肉的口感一樣係彈牙，但味道就無牛肉咁怪滷水拼盤有牛展、雞翼、蛋、豬耳味道正正常常，不過好似醃得唔夠均勻至於養生杞子紅棗雞煲，有紅棗無杞子，好多胡椒好重胡椒味，仲有好多芹菜個人唔鍾意胡椒湯同個湯唔會令人想食完再食，一般般唔特別雞肉十分入味夠滑，屬於不錯

$40可以揀兩款餸菜，仲配搭一款小食，加送凍或熱的低糖綠茶。絕對係學生哥不錯的選擇。湯底揀咗蕃茄榨菜湯底，味道中等不會偏鹹偏酸，米線不過不失，小食都是合符期望。

將軍澳調景嶺地鐵站出口嘅商場，有依家麻酸樂，好耐以前喺九龍灣淘大食過，印象中都幾好食，所以今次路過就入嚟食個快快嘅晚餐。我哋叫咗招牌十色米線番茄湯底，及海洋之光拉麵芫荽皮蛋湯底，相對來講，米線比拉麵好食，可能拉麵嘅口感太重，質地比較口，夏日炎炎食比較Heavy。拉麵套餐平均$50左右，包一杯熱飲或凍綠茶，不用另收費，如要其他飲品，特價大概$3左右。店內環境舒適，都幾好算係咁，以50幾蚊一個晚餐而言，算係好抵食了。

諗住落樓食飯 見到有$158二人雞煲套餐 又有雞煲 又有得打邊爐 決定入去試下伏唔伏手拍青瓜雲耳個味黎講 我就麻麻 個人比較鍾意又酸又辣嘅手拍青瓜 呢個淨係得酸味 唔辣嘅 唔夠香 味道就比較單一麻辣雞煲第一眼望落去 個汁有啲稀 唔似平時食開嘅雞煲 味度偏淡 鍾意食芋頭嘅朋友就啱啦 因為佢入面真係有好多芋頭 啲雞都幾入味火鍋料方面 個鮮牛肉同雞柳好重味精 醃得太鹹 其他火鍋料 有雲耳 金菇 菜等 最尾食埋啲米線就啱啱好整體黎講 成個餐算幾抵食 基本嘢都齊 不過都幾重味精 食完成晚都會口渴

小6食到依家yr2記得開係呢個位好耐細個已經勁鍾意食佢地啲薯粉加番茄湯底最近慶起又食多次 真係keep住一樣味可能你地會話都係味精湯啦 但係個人覺得呢個價呢個水準👍🏼👍🏼同埋佢地番茄牛米線都好推薦~早餐性價比都高 比起其他連鎖店都特別啲 有牛角包and蛋沙律~

上一次食麻酸樂已經係5.6年前嘅事 因為吾係成日經過 再加上越來越少分店今日突發奇想 朋友話食譚x 我突然醒起佢 於是就轉地點了以前黎親都係食小辣米線 但過左咁耐 我口味都變埋 淨係記得依到米線都吾錯 咁岩見到個自選乜乜乜系列 見到有冬陰公湯 個人好鐘意依種湯於是就叫左了冬蔭公湯蟹棒加鴨胸配薯粉講真我覺得算吾錯 個湯雖然好普通 但我覺得當平時啲休閒晚餐算好高質 就好似某m字頭快餐店 你都吾會對佢有咩要求啦依碗野都係四五十蚊 料足量多 我仲吾太食得辣 依到除左辣仲有幾種湯係吾辣 eg蕃茄 冬蔭公 已經好貼心我個人覺得係好食過譚x/x哥 大家不妨一試