米奇廚師餐廳 (已結業)

這間在廸士尼Hollywood酒店的米奇廚師餐廳主打自助餐，除了品嚐各國美食之外，米奇大廚還會親自同每位來賓影相，最適合一家大細黎刷餐勁。海鮮冷盤呢度的海鮮有三款選擇，凍蝦肉質結實彈牙，藍青口冇乜味似刷子膠，而我最欣賞係長腳蟹，肉質鮮甜仲有淡淡海水味，令人回味無窮。意大利Pizza呢度有兩款Pizza俾你揀，細細件可以試曬兩款，可惜芝士唔夠多。印度咖哩如果鍾意食咖哩的朋友，就千奇唔好錯過呢度的咖哩魚同咖哩雞，口味非常正宗。西餐牛扒唔錯，有專人Serve你。仲有德國洋腸、煙三文魚。各式甜品甜品選擇極多，仲有免費飲品供應。