豬脾真係滷到超級「念」！用筷子輕輕一夾就散開，超級入味，滷汁香濃得嚟唔會死鹹。肉質肥瘦適中，入口滑溜，撈埋啲汁真係可以瞬間清碟！😋
🥣泰式蝦餅🥣：
即叫即炸，上枱仲係熱辣辣，咬落外皮「咔嚓」一聲超酥脆！入面蝦肉飽滿，口感彈牙，點埋個酸甜醬更加開胃～
🍰 泰國綠奶茶千層蛋糕🍰：
層次做得超薄超分明，每一層都充滿住泰式綠奶茶嘅獨特香氣，茶味甘香得嚟又唔會太甜，口感綿密，蛋糕控必試！
🥞泰茶梳乎厘班戟🥞：
空氣感十足，搖吓個碟真係會duang duang震㗎！入口好似食緊泰式奶茶味嘅雲朵，輕盈鬆軟，蛋香同泰茶味平衡得啱啱好～
🌹玫瑰花奶茶斑斕珍珠🌹：
斑斕珍珠煮得啱啱好，口感軟糯煙韌，帶住淡淡斑斕葉清香，奶茶底嘅玫瑰花香好突出。
🧋泰式奶茶斑斕珍珠🧋：
經典嘅泰奶風味，茶味濃醇帶微微澀香，少甜較好，配上斑斕珍珠，煙煙韌韌。
12
