影片
更多
2022-01-02
1543 瀏覽
黑名單飯店： 筲箕灣 祥囍煲仔小廚大除夕夜，食餐晚飯食到一肚氣，算唔算伏就大家自己諗。話說一行4人去呢間野食飯，叫左7個餸 ‘羊腩煲、蒜蒸元貝、豉椒鵝腸、墨魚餅、芥蘭煲、椒鹽鮮尤、沙薑雞腳2支大啤、2罐汽水、加多個白飯埋單$1107入座時間2021/12/31晚上19：05🤔點完菜，10分鐘左右上菜，即係19點15分開始食飯，到上齊野都7點半。😅4個人正常食7個餸，其中一樣仲係羊腩煲，點都食個零鐘卦....由於個個都肚餓，19點45分即係上齊菜半個鐘左右，都已經清左4碟餸，得返個羊腩煲同另外2碟野喺檯面！👍呢個時候，已經有人黎催檯，話人多等緊，食快d😡各同行友人既反應係：唔係呀嗎，食左無耐就催，不以為意，繼續食。過多10分鐘，另外2碟都清埋，成張檯得返個羊腩煲。個阿姐又埋黎講，出面好多人等，食快d...🤬其中一個朋友已經好不滿，有無攪錯呀，係咁催，已經不停食，唔係喺度齋吹齋座，仲係咁催檯！4個人食7個餸，唔算多都唔算小，唔駛係咁催呀嗎😠呢個時候，個阿姐就走埋黎，問係咪齋晒餸，係就幫你地出單。是但你，個羊腩都仲有半煲，繼續食...😑其中有個朋友仲喺度同大家講笑，你地好快d食呀，唔係轉頭個
筲箕灣 祥囍煲仔小廚
大除夕夜，食餐晚飯食到一肚氣，算唔算伏就大家自己諗。
話說一行4人去呢間野食飯，叫左7個餸 ‘羊腩煲、蒜蒸元貝、豉椒鵝腸、墨魚餅、芥蘭煲、椒鹽鮮尤、沙薑雞腳
2支大啤、2罐汽水、加多個白飯
埋單$1107
入座時間2021/12/31晚上19：05🤔
點完菜，10分鐘左右上菜，即係19點15分開始食飯，到上齊野都7點半。😅
4個人正常食7個餸，其中一樣仲係羊腩煲，點都食個零鐘卦....
由於個個都肚餓，19點45分
即係上齊菜半個鐘左右，都已經清左4碟餸，得返個羊腩煲同另外2碟野喺檯面！👍
呢個時候，已經有人黎催檯，話人多等緊，食快d😡
各同行友人既反應係：唔係呀嗎，食左無耐就催，不以為意，繼續食。
過多10分鐘，另外2碟都清埋，成張檯得返個羊腩煲。個阿姐又埋黎講，出面好多人等，食快d...🤬
其中一個朋友已經好不滿，有無攪錯呀，係咁催，已經不停食，唔係喺度齋吹齋座，仲係咁催檯！
4個人食7個餸，唔算多都唔算小，唔駛係咁催呀嗎😠
呢個時候，個阿姐就走埋黎，問係咪齋晒餸，係就幫你地出單。
是但你，個羊腩都仲有半煲，繼續食...😑
其中有個朋友仲喺度同大家講笑，你地好快d食呀，唔係轉頭個煲都比人收走埋...🤭
咁好啦，食到真係尾聲
8點零(20：15左右)其中一個朋友話佢係咁催，自己食飽喇，出去賣左單先啦。
比完錢返黎，佢好驚訝個煲真係無左，比人收埋...😰
幾個人比人係咁催，食到都慶慶地，朋友比錢期間嗱嗱聲夾埋落碗，諗住食埋咪走囉！
當時本人同另一朋友個口都仲食緊，吞都未吞落肚！
呢個時候個阿姐又走埋黎話：喂，出面真係仲有人等緊，你地行得未！🤬
嘩....果下再忍你，唔知果d真係當我黎乞米呀，即時同侍應嘈交😡
我話：先問候對方娘親，再問佢而家乜x野事呀
你望下張單，19：05分落單，20：13埋單
食左一個鐘，你催左幾次都算，我個口都食緊，一比左錢你趕我走，你係咪傻架！😡
說時遲，那時快
果條唔知係咪老闆既阿姐玩發圍，話入座果陣講左8點要交檯喎....🤔
傻的嗎，4個人無一個聽倒
如果7點入座，你話8點要交，我地唔會入黎幫襯啦，仲坐低叫7個餸，我去食魚旦粉好過啦。😡
唔夠講，就轉移視線話人問候佢娘親，因為當時坐滿客😒
係呀，你咁x樣做生意，難怪我會咁爛口囉😠
當時成間鋪食緊野既其他客，見嘈交都將視線轉移晒過黎。
為免其他人唔知咩事，我再大聲向各食客簡述一下原因。
當然，個個食住飯睇戲，唔會有咩反應架喇...🤧
個侍應阿姐呢個時候問：咁你想點.....
乜野想點呀，我黎食餐飯
想點呀，食野囉
我野都未食完，個口都仲𡁻緊問我想點？😡
我都問返佢，你想點樣？
驚我阻住d客，叫我出門口傾
好呀，就同你出去傾，睇下你會唔會打我先！😎
一出門口，仲以為開我拖，原來唔係...係度講歪理，又繼續B哩巴啦話我罵你，仲話唔鍾意咪放上網囉！
我懷疑佢take野high大左，唔知自己做緊乜。
另外同行朋友都有繼續同佢理論，我話洗鬼同佢嘈咩，一係就打我囉，佢又唔敢。
廢事再浪費時間同佢嘈，擰轉身走人。😎
真係有冇搞錯，做生意做到你咁！
打開門口做生意，想做多2轉檯，賺多d無可口非
但係唔係咁樣囉。🤬
你多客等，就催催催...
你估我4個人入黎，叫一個煲仔飯+2支啤酒傾偈談心呀？
衰衰地都7碟野，食個零鐘係咪好慢呢？
食物好唔好食，見人見志啦
我個人就覺得好一般，唔算好食囉。
因為每樣食物都急住吞落肚……完全係貼錢買難受
不過咁樣趕客，我就覺得好伏，呢間咁既店舖，永遠黑名單....
正所謂有圖有真相，各位睇睇張單！
我就覺得伏伏伏伏...
睇得晒咁多字既朋友，多謝你地既支持👍
張貼
