影片
更多
2016-10-26
4211 瀏覽
是晚相約幾位朋友去筲箕灣耀東邨探望一位舊老師，喺老師屋企搗亂過後大家開始肚餓，原來已經玩到7點鐘～老師明知道我地會請食飯，就錫住我地個荷包，建議我地去呢間正正位於耀東邨正口對住既「煮打」食飯，因為有小菜又有潮州打冷，價錢亦經濟實惠！我地拍板叫菜，我見到呢個《大白鱔煲 $198》簡直雙眼發光，非叫不可！大白鱔煲用大量蒜頭同陳皮爆香，鑊氣十足！大白鱔果然夠大片，肉厚帶點爽脆鮮甜，在外實在難有大白鱔食！連唔食魚既朋友都讚好味～嚟碟香口既《真芝士拉絲蝦丸 $98》！8大粒熱辣辣上枱，我地唔等放涼已經急不及待咬落去！芝士「真流心」，而且「真拉絲」！蝦丸彈牙可口，蝦味濃～相信係餐廳手打既！最後發現放涼左都無縮水，果然真材實料～食潮州野點少得《滷水拼盤（小） $82》，份量大，叫左個細既～一座山中有4-5片紅腸、豬耳、鵝片、生腸、墨魚、腎，聽見都豐富～每樣都夠稔，易咀嚼，配埋酸醋食唔錯～不過如果滷水再入味d就更好。叫個菜食，點左《魚湯海味浸時蔬 $78》並揀左用莧菜～魚湯浸住d莧菜及放上銀魚乾，賣相即時加分。魚湯底味道清甜，莧菜夠嫩，吸左d魚湯更惹味。《蠔仔粥 $92/窩》少不免！今次多人所以叫一窩
是晚相約幾位朋友去筲箕灣耀東邨探望一位舊老師，喺老師屋企搗亂過後大家開始肚餓，原來已經玩到7點鐘～
老師明知道我地會請食飯，就錫住我地個荷包，建議我地去呢間正正位於耀東邨正口對住既「煮打」食飯，因為有小菜又有潮州打冷，價錢亦經濟實惠！
我地拍板叫菜，我見到呢個《大白鱔煲 $198》簡直雙眼發光，非叫不可！
大白鱔煲用大量蒜頭同陳皮爆香，鑊氣十足！大白鱔果然夠大片，肉厚帶點爽脆鮮甜，在外實在難有大白鱔食！連唔食魚既朋友都讚好味～
嚟碟香口既《真芝士拉絲蝦丸 $98》！8大粒熱辣辣上枱，我地唔等放涼已經急不及待咬落去！芝士「真流心」，而且「真拉絲」！蝦丸彈牙可口，蝦味濃～相信係餐廳手打既！最後發現放涼左都無縮水，果然真材實料～
食潮州野點少得《滷水拼盤（小） $82》，份量大，叫左個細既～一座山中有4-5片紅腸、豬耳、鵝片、生腸、墨魚、腎，聽見都豐富～每樣都夠稔，易咀嚼，配埋酸醋食唔錯～不過如果滷水再入味d就更好。
叫個菜食，點左《魚湯海味浸時蔬 $78》並揀左用莧菜～魚湯浸住d莧菜及放上銀魚乾，賣相即時加分。魚湯底味道清甜，莧菜夠嫩，吸左d魚湯更惹味。
《蠔仔粥 $92/窩》少不免！今次多人所以叫一窩。蠔仔大大隻有肉鮮甜，一d都唔腥；粥底味道夠份量多，份量足夠4-6人食用。仲有一碟蔥花跟，幾細心丫～
食到飽飽仲有《薏米腐竹蛋糖水 》送，而且落足料～大家今晚都好滿足！張貼
