南龍冰室 (已結業)

第一次寫食評，經驗並不愉快。星期五放工，專登同老公過嚟食金磚焗飯，入座時大概六點，仲係做梗下午茶時間。我地落單時間係1809, 叫左炸魚&金磚(西多士)下午茶($39)同金磚茄汁雞扒飯($79)。落單時waiter 有說要等20分鐘，我地話ok。下午茶那個很快就到，很普通。到20分鐘時，我地追單，他們說，係"最少"20分鐘。我地再等。到過了35分鐘時，再追單，另一個waiter 說等35分鐘係正常，我地再等。結果到了50分鐘時，終於有個waiter 入廚房追單，過一陣出嚟講話廚房jam 紙，3分鐘後到！！咩話 我唔係第一次追單，你Jam 紙係咪應該係20分鐘我等一次問嘅時候發現呢？唔再多講waiter 有幾認真對待顧客嘅追單，齋講個飯本身，無乜特別。個麵包嘅份量遠多過啲飯，我相信一個人食都未必足夠，而且食物只是暖而不是同一般焗飯有"辣口"的感覺。已經很嬲，所以沒有影相。等了50分鐘，食左10分鐘，1910走。但驟眼望其他下午茶（炒飯麵飯）個樣正常，而且$39，至7點。無嘢食都可以試下。。。但老公說唔會再有下次。