76
40
24
港鐵銅鑼灣站 F1 出口, 步行約4分鐘 繼續閱讀
開飯介紹
從筲箕灣搬到銅鑼灣區的街坊冰室,以傳統冰室的卡座為主,新店整潔多了,而且食物選擇也頗多。 繼續閱讀
營業時間
星期一至日
07:00 - 23:00
付款方式
現金 八達通
其他資料
外賣服務
加一服務費
食評 (166)
等級3 2019-07-17
1024 瀏覽
行過見到好似有啲懷舊feel,就走入去食下,點知食咗一個近年最難食嘅早餐!先講下碗沙嗲牛肉通粉,碗湯只係暖暖地,啲牛肉直頭係唔熱嘅,大家見到啡色一嚿嚿嗰啲,就係瓊咗嘅沙嗲汁,放左落啲湯度都唔識得溶,你就知啲湯同埋啲沙嗲牛肉有幾咁熱啦?感覺上,我真係以為呢碗野係隔夜拎出嚟未整返熱呀大佬!好啦輪到舊麵包,睇吓佢餐牌寫乜?係話乜乜乜自家製嘅麵包,自鬼自馬咩?搣開見到中間散修修,一啲都唔軟熟,感覺完全都係一個隔夜麵包!食到呢度,隻煎蛋都已經冇乜心機去食,睇真啲隻煎蛋其實都唔係咁開胃,真係求其食完,俾錢就算!呢間咁嘅鋪頭你都唔使旨意我再返嚟食,真係拜拜你條尾,嘥晒我啲錢!嘥晒我啲quota!喺度扮晒老店,完全冇heart! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-01
628 瀏覽
這天有朋自遠方來,餓底帶著一個韓國朋友在銅鑼灣鬧市搵地方聚舊。韓國朋友說她N年前來過香港,飲過鴛鴦,覺得好特別好好飲,所以她說想去茶餐廳,餓底於是上openrice 搜尋,來到這間天花掛滿鳥籠的南龍。下午三點三,餐廳未滿,二人坐進了下層的六人卡位,非常闊落舒適。點了兩杯鴛鴦,一凍一熱,菠蘿包&雞尾包。鴛鴦好飲喎,咖啡奶茶既平衡做得非常好,可列入餓底飲過好飲的鴛鴦頭三位!韓國朋友也非常喜歡😌。至於麵包,正常發揮啦,少少空氣feel😅幾抵食,一個麵包一杯野食,每人只係$20左右,性價比不錯! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-11
573 瀏覽
星期日去大球場睇波,去附近茶餐廳食野,朋友介紹呢間就去試下,叫左豬扒蝦醬炒公仔麵,菠蘿包,榨菜米粉,奄列炒蛋,牛油多士,凍檸茶。先食豬扒蝦醬炒公仔麵,好好味,好有鑊氣,又唔算太油。豬扒都好好味。跟住食菠蘿包,個皮好脆,個麵包好好味好有以前麵包舖的味道。至於榨菜米粉,啲粉唔算好淋,個奄列好好味啲蛋唔係熟曬,好鍾意食。多士係厚厚的👍🏻。個裝修都比較懷舊,d伙記一般,快既,坐了上層,冷氣夠凍。會再去食。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-05-16
567 瀏覽
兩層樓,我坐上層,埋單時收銀員態度十分差,大聲夾無禮叫我返上樓拿單,我去過咁多食堂,受到咁既服務,一向從不留言在網上評論既我真係要發言。很希望餐廳老闆能認真改善。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-05-14
475 瀏覽
午餐有時係為了飽肚多過食物味道,好好味嘅嘢但係份量不足,遇到這個情況真是很難捱到晚飯時間。就算是茶餐廳,現在也有些的食物份量也變少了。今日食的這間就分量十足了,餐牌都是大路茶餐廳的出品,我就點了茄汁雞排煎蛋飯加凍鴛鴦,先來飲品,年紀漸長,不能吃太甜了,所以每次在茶餐廳叫飲品必須要少甜,而且最開心的地方就是茶咖啡比例剛剛好,而且不會感覺到奶味太重的感覺!當食物上的時候感覺十分好,因為感受到他滿滿的飯在碟上,可愛的煎蛋完美地鋪在飯面。雞扒煎得很香,配上茄汁很好下飯。吃畢,滿足感很大,再飲一口凍鴛鴦,完全是本地人才能感受到的享受。 繼續閱讀
(以上食評乃用戶個人意見 , 並不代表OpenRice之觀點。)