影片
更多
2008-07-27
29 瀏覽
其實齋睇個炒飯名已經好吸引，所以咪咪都無乜點考慮就點左，28 蚊有個即炒飯，都幾好啦！仲加左 4 蚊一杯少冰低糖綠茶！原來而家大快活係電腦入單，基本上買左飯之後就可以唔駛埋去水吧，坐定定等叫號碼啦！都知道即炒會耐啲，所以一路等都無出聲問有未呀有未呀？！等左一輪，之後有個廚房既師傅由外面入番廚房，佢仲好驚訝咁多單既？！咪咪心唸，唔係而家先整呀？！又等左一輪，都過左 10 分鐘有多，發現好多比我之後入單既都已經出左菜，但係個啲都係快飯，咪咪唸住再忍耐多一陣吧！之後有個男人同咪咪差唔多時間買飯既都等左好耐，忍唔住問個水吧阿姐，阿姐先發現出菜次序有問題，叫廚房跟番號碼出菜，而咪咪亦出口講等左好耐喇！！到個個男人都有得食，咪咪都仲未有，水吧阿姐叫咪咪坐低先，佢一陣再拎比咪咪。咪咪竟然一啲火都無發，安安定定咁坐低等，其實阿姐都幾好啊，終於等左廿幾分鐘，阿姐拎碟飯埋黎比咪咪，佢仲不停講唔好意思。打開蓋，嘩，豆豉唔駛錢？？全碟都有好多豆豉，走開吧！！咪咪一邊食，一邊把豆豉彈走，佢地圍起黎有動物園咁大！個炒飯係另外炒既，而三色椒牛柳絲又係另外炒，然後鋪係炒飯面。撇除豆豉，其實個賣相係幾得架！咪咪當然將所
原來而家大快活係電腦入單，基本上買左飯之後就可以唔駛埋去水吧，坐定定等叫號碼啦！
都知道即炒會耐啲，所以一路等都無出聲問有未呀有未呀？！
等左一輪，之後有個廚房既師傅由外面入番廚房，佢仲好驚訝咁多單既？！咪咪心唸，唔係而家先整呀？！
又等左一輪，都過左 10 分鐘有多，發現好多比我之後入單既都已經出左菜，但係個啲都係快飯，咪咪唸住再忍耐多一陣吧！
之後有個男人同咪咪差唔多時間買飯既都等左好耐，忍唔住問個水吧阿姐，阿姐先發現出菜次序有問題，叫廚房跟番號碼出菜，而咪咪亦出口講等左好耐喇！！
到個個男人都有得食，咪咪都仲未有，水吧阿姐叫咪咪坐低先，佢一陣再拎比咪咪。
咪咪竟然一啲火都無發，安安定定咁坐低等，其實阿姐都幾好啊，終於等左廿幾分鐘，阿姐拎碟飯埋黎比咪咪，佢仲不停講唔好意思。
打開蓋，嘩，豆豉唔駛錢？？全碟都有好多豆豉，走開吧！！咪咪一邊食，一邊把豆豉彈走，佢地圍起黎有動物園咁大！
個炒飯係另外炒既，而三色椒牛柳絲又係另外炒，然後鋪係炒飯面。撇除豆豉，其實個賣相係幾得架！
咪咪當然將所有食物撈勻先食，三色椒切成牛柳絲咁樣既條狀，仲炒得好好，牛柳絲好嫰，三色椒好好味又唔會炒得硬硬的，撈勻炒飯食，更加好味。唔會過鹹又唔過油，絕對推介。
而且份量都唔少，睇落好似唔係好大碟，但係食落都好飽，飯同餸既比例好好，唔會餸少飯多。
低糖綠茶全因為天氣熱而叫，點都好過飲汽水飲到成肚氣，不過咪咪覺得低糖仲有下調既空間，而家都仲係覺得甜。
張貼