沙田18

營業中

休息中

又一次因家人慶生，來到沙田十八，真係百吃不厭，燒味拼盆同炒介菜，每次必點！叉燒半肥瘦，但同明閣compare，始終跌一小級，燒肉脆皮，食咁多次無變，不會太咸，麻辣牛展味道好夠麻，又不太辣，黑醋雲耳不會太酸拍青瓜，掂。最後牛油果🥑配蒜辣真係有新鮮感！想每樣試少少，呢餸好岩！我不嬲都不太喜涼瓜，好苦呢，想不到這騙雞煲（閹雞），非常值得食！第一次食，便知醬汁相當好，雞很有雞味（不是冰鮮雞）加上涼瓜一起炒，真的不咸不苦，帶出涼瓜的鮮味，亦不會喧賓奪主。好菜色，有驚喜！黑松露嘟嘟魚水準沒下滑，只係每次食大小份量有小小差異，不過不會太誇張，時多一兩件咁，睇運氣。清炒介菜，很難吃到不苦的介菜，清爽配炸香浸上湯的紅蒜，真係配合得天衣無縫，所以每次到訪必點之一！紅棗軟蛋糕，無論幾飽，佢一上枱，一定被我地秒速食晒，外脆內軟，好鬆化，紅棗味十足！加上橙酒雲尼拿籽custard，真係吃不停，我會棒住個custard remains 食晒佢，一滴不剩！整體好味，期待下一個親友生日再吃！