影片
更多
2021-07-17
3670 瀏覽
今次應該第四次嚟，不過係第一次食，嚟過好多次因為都多人等所以每次都無等。今日前面得一個人等，又見倒啱啱有人走，所以決定等，大概5分鐘就有位，好感動😭。舖比我預期中大，因門囗望入去得幾張檯，入到去原來㕑房後都有幾張，餐廳都幾迫，檯偏細，櫈都唔太舒服，每張櫈都幾乎唔一樣，有啲係學校櫈，有啲係英式櫈……唔知係特色，定second hand , 一心食窩夫，不過lunch time 有啲餓，所以叫咗主食先，食完先再order 窩夫。叫咗egg Benedict, 豬軟骨飯，piccolo 同Mocha.野食都算快有，餐具原本已喺檯面，亦有自助水，所以令餐檯更加迫。豬軟骨飯_98飯係另上嘅，面有隻半熟蛋，另有碗小沙律，豬軟骨好稔，不過味道普通，亦無乜配料。egg benedict_88面係蛋，下面係波菜同三文魚，最底層係法包，整體有啲鹹。mocha☕ _40無跟餐優惠，奶泡打得麻麻，唔夠熱。食完主食，想點個窩夫，waitress 話有限時70分鐘，而家整唔切窩夫，咁順手就遞埋張單俾我地，疫情下其實少咗好多餐廳有限時，我向來都討厭有限時嘅餐廳，最近一年都好少有咁嘅經歷，不過我明白嘅，呢間小店的確
今日前面得一個人等，又見倒啱啱有人走，所以決定等，大概5分鐘就有位，好感動😭。
舖比我預期中大，因門囗望入去得幾張檯，入到去原來㕑房後都有幾張，餐廳都幾迫，檯偏細，櫈都唔太舒服，每張櫈都幾乎唔一樣，有啲係學校櫈，有啲係英式櫈……唔知係特色，定second hand , 一心食窩夫，不過lunch time 有啲餓，所以叫咗主食先，食完先再order 窩夫。
叫咗egg Benedict, 豬軟骨飯，piccolo 同Mocha.
野食都算快有，餐具原本已喺檯面，亦有自助水，所以令餐檯更加迫。
豬軟骨飯_98
飯係另上嘅，面有隻半熟蛋，另有碗小沙律，豬軟骨好稔，不過味道普通，亦無乜配料。
egg benedict_88
面係蛋，下面係波菜同三文魚，最底層係法包，整體有啲鹹。
mocha☕ _40
無跟餐優惠，奶泡打得麻麻，唔夠熱。
食完主食，想點個窩夫，waitress 話有限時70分鐘，而家整唔切窩夫，咁順手就遞埋張單俾我地，疫情下其實少咗好多餐廳有限時，我向來都討厭有限時嘅餐廳，最近一年都好少有咁嘅經歷，不過我明白嘅，呢間小店的確多人等位😶，不過始終有啲無奈。
張貼
