177
29
2
電話號碼
27960001
營業時間
今日營業
全日休息
星期一
12:00 - 22:00
星期二
全日休息
星期三至日
12:00 - 22:00
付款方式
AlipayHK 支付寶 現金
座位數目
34
其他資料
網上訂座
Wi-Fi
切餅費
賞訂座積分
加一服務費
當面支付
有關獎賞計劃
食評 (233)
等級4 2019-10-25
414 瀏覽
餐廳集咖啡、熱食及甜品於一身,香港舊式的裝修及擺設配上新式食材及西式的煮法,感覺同味道既特別又親切😊😊青蔥歲月 $48呢杯特飲係由青檸、青瓜、青檸糖水同梳打調成,感覺好fresh🥰法國玫瑰茶 44器皿好特別,好似以前飲中藥嗰啲茶壺😂😂熱嘅玫瑰花茶好香🤗野菌松露油忌廉意粉 $79第一啖食落去已經覺得好香黑松露味,野菌款式好多、份量都好多,但一定要撈勻好食🤫窩子酥皮薄餅之日式海鮮大阪燒餅 $124呢一個薄餅真係令我好驚喜﹗🤩🤩第一個驚喜位係批底,佢並唔係一般嘅Pizza底,係酥皮,咬落去勁多層次勁酥香。第二個亮點係餡料,好多配料﹕有椰菜、八爪魚、蜆肉等,而且唔會好厚粉醬感👍🏻味道勁似章魚丸,但口感卻完全係另一會事,真係非筆墨能夠形容...🤷‍♀️當你試過就會明😆😆😆😆即焗曲奇忌廉法式千層酥配特濃朱古力雪糕 $69法式千層酥熱辣辣、好脆,夾心嘅cream一啲都唔膩,仲好香焦糖味,Yummy。朱古力雪糕都好香濃朱古力味,正😋😋😋我見今次叫嘅食物都要等一段時間先有,所以我估餐廳應該係即叫即整☺️所以想食好野嘅朋友要比啲耐性等等。仲有:甜品記得要早啲落單呀😜 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-16
433 瀏覽
友人向來深居簡出,平日亦不甚喜愛交際應酬,這晚突然相約我一聚,而且還說要來新蒲崗探班,順便接我放工,問我是否有空。難得有人肯移船就磡,這晚就一於由我帶路去食餐好。記得友人和我一樣,都很喜愛吃窩夫,所以就特意選了這間區內的人氣食店「窩子」。餐廳位以七十年代的懷舊冰室為主題,湖水綠牆身、烏絲燈、格紋地板,全部均是參考傳統冰室而設計,裝潢充滿復古格調。另外店內還放了不少古董家具及擺設等物品作點綴,例如舊式收音機、撥輪式電話及舊水杯等,令人有猶如置身於上世紀七、八十年代的安樂窩。打開餐牌,餐廳除了主打一系列 Fusion 菜式及精品咖啡外,就連近期大熱的梳乎厘班戟也有供應,食物選擇頗多元化。我哋揀咗兩個主食同一客甜品,先來的野菌松露油忌廉扁意粉 ($79) 賣相不錯,菇菌下得非常慷慨,分量十分之多,連帶 Creamy 滑溜的忌廉汁也有菇香,令人吃得津津有味。扁意粉水準亦不俗,麵條煮得恰到好處,煙韌又不過腍,最正就係每條意粉都沾滿濃濃醬汁,絕對是誠意之作。接著是一客慢煮手撕豬腩窩夫三文治 ($88),三文治由傳統麵包改為窩夫,窩夫即叫即製,一客有成四件,而且每塊都極之厚身,分量十足,就算兩至三個人 share 來吃都無問題。窩夫做得非常出色,入口外脆內軟,蛋香濃郁。豬腩肉以低溫慢煮後再手撕,由於經慢煮後已逼出多餘油分,入口不膩之餘醬汁亦十分香濃,肉質軟腍無渣。甜品方面點了焦糖香蕉法式千層酥 ($69) 千層酥同樣即叫即製,而用料方面亦絕不手軟。千層酥以兩層酥皮夾住香滑的吉士,旁邊伴上滑溜的半溶雪及香脆的合桃粒,而面頭就再飾以炙燒焦糖香蕉,賣相極美觀味。酥皮十分酥脆,容易切開,但又不會很易碎散,口感討人喜歡。飲品我揀咗呢款名字充滿懷舊味道的青蔥歲月 ($48),原來成品是用了青瓜、青檸、梳打與青檸糖水等混合製成,味道酸甜清新。至於友人就揀咗罐門神啤酒 ($62),友人讓我試了一口,質感好 smooth,帶有明顯菠蘿香氣,剛剛好 balance 返啤酒花嘅苦味,連我這個平日不太喜歡喝酒的人都覺得很不錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-16
286 瀏覽
眾所周知新蒲崗就係美食集中地今次驚朋友介紹之下嚟到呢間別有洞天嘅新式懷舊Cafe 一入到去咖啡室內就好似入咗異世界咁 好有童年懷舊嘅氣息🤙🏻✨慢煮三文魚意大利飯($98)本身以為呢一個意大利飯冇乜特別但係原來非常出色 慢煮三文魚嘅汁完全咁融入左係意大利飯入面每一啖意大利飯都充滿着三文魚嘅味道同埋三文魚嘅油脂每一啖都係幸福嘅感覺✨雜菌松露油忌廉意大利粉($79)對黑松露嘅食物有一種念念不忘嘅情懷因為真係好特別 軒汁充滿着黑松露嘅味道意大利粉非常掛汁營造左一個非常creamy嘅口感 意大利粉入面嘅胡椒火腿同雜菌配合得天衣無縫給推薦食嘅一道菜✨焦糖香蕉法式千層酥($69)一上菜見到個size即刻叫咗出聲 估唔到個千層酥咁大份同埋做得咁精緻細膩 每一片香蕉上邊都噴上咗焦糖用火槍燒過 旁邊仲有雪糕同埋cream仲配上大量嘅Oreo碎片非常邪惡輪到主角千層酥 真係極度好食 有質感脆卜卜嘅外層夾住中間有少少熱溶嘅焦糖雪糕 食完簡直好似去咗天堂咁✨門神啤酒($62)門神啤酒嘅生產商叫做 個名好特別好長 話你知個味道仲好好飲添 呢罐啤酒特別嘅地方係香港手工啤酒 連盛裝啤酒嘅杯都係門神logo 你都咪話唔特別✨iced hazelnut latte($46)見到間餐廳咁多部咖啡幾當然要試試咖啡啦東榛子咖啡亦都做得好到位 唔會好似坊間整到好甜 味道調校得恰到好處 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-23
1276 瀏覽
最近,一有機會就會四周圍尋覓下咖啡店🙆‍♀️發覺原來係香港嘅咖啡店比我想像中多好多仲要個個都有自己嘅獨特之處!所以令我開始有收集咖啡店之癮🤣.係新蒲崗嘅「窩子」無論係食物質素,小店裝修都比到吾同驚喜我以復古懷舊為主題一進店,好似返返去兒時咁裝修,用具,枱凳都充滿回憶💕.主打咖啡,亦有吾少輕食其中以窩夫,酥皮薄餅最為特別🍕.一上枱,就聞到香氣四溢嘅松露香意粉同忌廉汁係黃金比例二比一太少會乾巴巴,太多會出油膩感意粉較為硬身,食落煙韌彈牙條條意粉都掛到忌廉汁,好CREAMY呀!啖啖都係濃郁嘅野菌松露香仲有妹多粒野菌片,令口感豐富!.無論係漢堡包定飯堡包,我都一一見過食過但以窩夫為底嘅漢堡,我真係第一次見🙈窩夫中間夾住加拿大火腿,半溶芝士蕃茄片同爽脆生菜賣相相當吸睛😍入口外脆內軟,既鬆脆又富有濃郁蛋香💕旁邊仲有沙律菜添!味道高質,打卡一流🙈.原來甜品都好高質呀🥰兩層拿破倫中間嘅夾心係吉士酥皮極之鬆脆輕輕一咬即時鬆開而中間嘅吉士又帶黎入口即化嘅濃郁牛奶香頂層嘅香蕉搽上一層糖霜再用火槍燒焦如玻璃般嘅口感帶上軟綿嘅香蕉肉,大讚👍雲尼拿雪糕底下鋪滿曲奇脆脆,豐富味蕾.咖啡上嘅心形拉花線條清晰,形狀優美令人賞心悅目~LATTE味道香濃,每口都散發著牛奶香口感柔滑,唔會有苦澀味😘.青檸,青瓜,梳打混合而成入口好FRESH,只有淡淡嘅甜香~ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-12
884 瀏覽
今日介紹既又係一間驚喜十足 係新蒲崗既cafe 呢到裝修好復古懷舊feel 所有擺設都好用心好靚👍🏻 除左環境靚 食物既質素一樣好唔錯 選擇又多 好值得推介😍我地主菜試左慢煮手撕豬腩窩夫三文治同慢煮三文魚意大利飯☺️ 慢煮手撕豬腩窩夫三文治係超級有驚喜😍好好食 好好食 好好食😱 豬腩肉煮得好腍 醬汁味道香濃 鹹鹹甜甜 窩夫非常香脆鬆化有蛋香 估唔到鹹食既窩夫可以咁出色 比想像中好食👅👅慢煮三文魚意大利飯上既三文魚好厚 煎得好香 表皮香脆 加上少少檸檬汁調味 中和意大利飯忌廉既膩 味道都唔錯👍🏻一場泥到當然要試埋佢地既甜品啦 我地揀左好邪惡既自家制斑蘭醬配雲呢拿雪糕法式多士🤤 法式多士熱辣辣好香脆 加埋雪糕同忌廉本身已經好好食 點埋佢地自家制斑蘭醬 唔會好甜 好香斑蘭味 好特別好好食😋飲品方面我地試左呢到幾特別既手工啤酒同黑糖焙茶鮮奶🍵 手工啤酒有好多口味 我地就試左Monkey King 即係麥芽蜜桃味 幾易入口👍🏻 而黑糖焙茶鮮奶焙茶味好香 加鮮奶入口好順滑 呢到無論食物同飲品都好高質 非常推介😍🌟 繼續閱讀
(以上食評乃用戶個人意見 , 並不代表OpenRice之觀點。)