川之源

營業中

休息中

第二次同朋友黎食呢間川菜，發現真係好多外國人去食。今次我同朋友叫左三個餸，辣子雞、酸溜土豆絲、乾鍋四季豆。辣子雞辣子雞真係辣椒多過雞，所以香氣十足，搵雞肉好似尋寶咁，但唔會好辣。佢既雞肉切到好細粒，而且全部都炸到好脆，食落同骨頭一樣脆，唔係滑溜既雞肉，鍾唔鍾意就見仁見智啦。酸辣土豆絲今次係第二次叫呢個菜，翻拍率算高。因為酸酸辣辣，爽口既土豆絲實在係太開胃啦。乾鍋四季豆呢個菜真係餸飯一流，炸過既四季豆用辣椒同肉碎炒，鹹鹹香香，真係好鬼正，所以今次我食左成兩碗白飯。我個朋友仲叫左碗酸辣粉，紅薯粉好煙韌，但係我就覺得幾油下，記住唔好著白色衫去食呢個。食完飯佢可能驚我地火燒菊花😂所以一人送左碗桂花冰粉，甜甜地，涼涼地，又幾好味。