小時光 (已結業)

觀塘而家開咗好多餐廳，對於我咁鍾意食嘢嘅人嚟講就成日都會約埋朋友一齊食新餐廳。 今次已經是第二次到小時光， 上年與朋友到過一次食午餐， 記得鹽水雞都唔錯， 所以昨日午飯時間大家都冇乜心水就不如再去食多一次啦！ 食lunch大家都是趕頭趕命，所以很快就點了菜，叫咗一個鹽水雞飯，蕃茄牛展麵，芝士蛋包腸。鹽水雞飯～ 我上年嚟食過一次覺得幾好食㗎，今次好似冇上次咁好。 青瓜絲的份量 比較多， 好像已經蓋過主角了！鹽水雞的 口感嫩滑， 不過如果可以多番少少鹽水雞減少青瓜絲就比較好！蕃茄牛展麵 ～ 蕃茄湯底甜甜酸酸幾好飲， 可能我比較喜歡吃蕃茄味的食物， 但是牛展就太硬了。芝士蛋包腸 ～ 熱辣辣一啖咬入口啲芝士溶曬出黎， 呢個做得幾好！