火間土 (已結業)

今日又嚟多次尖沙咀呢間火間土，主要貪佢坐得舒服，有美景，服務吾錯，食物同價錢合理。哈哈好似講到好好咁，不過係真心嘅！今日我地兩個一嚟就試左個沙律，海膽壽司，三文魚刺身，串燒腸，炸雞件同個牛肉飯！先講最有特色嘅沙律，叫東京下町名物沙律，勁大份，應該三人份量吧，入面有大量菜絲，法律醬調味得吾錯，酸酸甜甜，好清新又好醒胃，入面仲有少少吞拿魚？在大量菜之間，增加左不少口感！其次係海膽壽司同其他幾款壽司，最喜歡海膽壽司，因為好新鮮，甚至食到海水味道！紫菜都好脆身，吾錯！三文魚刺身不過不失，都好好味，好厚切，好新鮮，份量都吾算多，幾好！其後食左串燒腸，好好食，好惹味，應該係即嗌即燒，上碟熱辣辣，配上特制醬汁，好味道！最後嘅牛肉飯同炸雞件，就普普通通，冇咩特別，下次可以吾洗嗌。