Café Kool

復活節假期尼左香格里拉食lunch buffet,今次係第三次尼啦～ 用openrice優惠券有7折，埋單三百幾蚊位，都唔算係太貴! 假期有好多人食，食物選擇都係算多，都有d綠茶口味的食物，綠茶炸魚柳同綠茶朱古力蛋糕幾好食~ 熱食款的黑松露蒸蛋好好味! 今次見到有炒銀針粉，食落覺得好有獲氣，好食！ 甜品款都有d復活節蛋糕，但我就覺得甜得濟! 有乳酪雪糕，健康d都ok好食，h字頭雪糕款都係咁多！尖沙咀區尼講我覺得香格里拉buffet真係好食d!

海鮮都係咁鮮甜，長腳蟹食左很多，好味！有綠茶醃三文魚，柚子沙律酸酸甜甜，開胃d!

熱食款全都好食，綠茶炸魚柳好味，鐵板燒的牛扒 ，蛋批都好食，串燒牛柳同雞肉又食左好多！

師傅即煮既白汁意粉 同 炒銀針粉夠獲氣 好食

日式食物 三文魚都係好食，紅棗炆雞，雞食落很滑溜，最下圖就係魚粥

最後甜品啦～最好食都係綠茶朱古力蛋糕，乳酪雪糕有藍莓，綠茶，雲呢拿味! h字頭雪糕我都較鍾意食青檸雪葩！