走肉‧朋友 (已結業)

💛💛💛黃店推介💛💛💛走肉朋友 係由三個香港人開嘅素食自助餐餐廳，最近因為社會運動同疫情關係，生意跌咗好多，所以今次我同家姐就尊登黎「懲罰」佢！因為我同家姐比較夜黎（9:00p.m.左右），所以食物都唔係淨返好多，但佢本身其實係有四十多種嘅素食任君選擇嘅，有pizza、素壽司、碗仔翅、沙律、生果、豆腐、炸嘢例如素春卷同炸饅頭等等。除咗食物之外，呢度嘅設計亦都十分特別，我其實係專程黎打卡嘅ＸＤ不論係店內店外，佢嘅設計都非常之有味道同特色，仲增添咗啲文青嘅氣息添～睇得出幾位老闆都十分有心思，由一張櫈到一眼燈係精心挑選。雖然九點先黎到食物冇咁多，但打卡位就多咗好多啦哈哈ＸＤ