影片
更多
2017-11-06
2358 瀏覽
朋友今日同我補祝生日，一早決定左要食afternoon tea set，左揀右揀，決定要一試就試最有名的半島大堂tea，貪佢唔使book位d時間夠flexible，而且影相一定靚，甜點包好味😙我地星期日大概13:25就到半島大堂，已有人排隊，前面有13個人左右，等到14:15我地就可以入座，同best fd傾計時間好快過，唔係好覺得要等好耐😂好幸運地坐窗邊，自然光可以拍美照，超開心！我地order afternoon tea set 二人用，每人會有杯飲品，有差不多5款茶，我地叫左peninsula blend同南非國寶柑橘Tangerine兩款茶，除左一人一壺茶，佢會俾埋一jar牛奶你自己決定加唔加，仲有一壺熱水，侍應會不時過黎添熱水同幫你倒茶，好有禮貌同細心Tea set有英式鬆餅scones,會附上cream同strawberry jam, jam唔會過甜，冇人造的假味。我係勁熱愛食scones的人😍個set放上枱時我即刻摸下舊scone，是暖笠笠的！牛油同麵粉的份量好合宜，唔會乾、唔會散、唔會硬或者粉！好味！咸點：比較深刻的是綠色的酥，應該裡面是pesto青醬，有蒜頭、蕃茜、香
我地星期日大概13:25就到半島大堂，已有人排隊，前面有13個人左右，等到14:15我地就可以入座，同best fd傾計時間好快過，唔係好覺得要等好耐😂
好幸運地坐窗邊，自然光可以拍美照，超開心！
我地order afternoon tea set 二人用，每人會有杯飲品，有差不多5款茶，我地叫左peninsula blend同南非國寶柑橘Tangerine兩款茶，除左一人一壺茶，佢會俾埋一jar牛奶你自己決定加唔加，仲有一壺熱水，侍應會不時過黎添熱水同幫你倒茶，好有禮貌同細心
南非國寶柑橘茶
66 瀏覽
2 讚好
0 留言
Tea set有英式鬆餅scones,會附上cream同strawberry jam, jam唔會過甜，冇人造的假味。我係勁熱愛食scones的人😍個set放上枱時我即刻摸下舊scone，是暖笠笠的！牛油同麵粉的份量好合宜，唔會乾、唔會散、唔會硬或者粉！好味！
咸點：
比較深刻的是綠色的酥，應該裡面是pesto青醬，有蒜頭、蕃茜、香草混合的咸香味，酥皮鬆脆，好好味！但我唔識欣賞深啡色個舊三文治卷，裡面係吞拿魚，咬落有陣香味似鵝肝醬，但我覺得加埋有啲魚腥味太重，又成舊好冧咁，唔鐘意，其他係三文魚同青瓜治都正正常常。
Afternoon tea set for 2 persons
156 瀏覽
2 讚好
0 留言
甜點：
太誇張了我覺得每一舊都真係冇hea我！平時最憎食buffet d甜點，覺得做得好馬虎，但半島的甜點，係食得出層次感架媽呀😂覺得貴就貴在呢度！但真係好值得食！
由後面開始：
朱古力的brownie,夠moist, walnut好香又有啲咬口👍🏼
綠色好似小網球的lime tart,好清香的lemon/lime，好滑的lemon custard帶酸味，好fresh,外層係牛油曲奇tart皮，好正👍🏼上面塊白色應該是糖做的，我冇食
中間朱古力片做夾心，中間係忌廉卷有柚子香味，上面有脆朱古力，一啖有多個質感，好食，但綠色的is the best !
最後是花花，應該係柑枯味的吉士，同lemon唔同味，都是酸酸的，好喜歡好fresh唔膩的甜點
第一次的afternoon set體驗，我會俾90/100，10分會減左係排隊同貴，但我覺得整體都好值得，始終佢個brand咁高檔又係酒店，點都會想食一次，特別慶祝就最適合💌
張貼
