九重鮮 (已結業)

隨住KPOP 等韓國文化在香港愈來愈受歡迎，韓國不同的美食文化亦入侵香港。最近潮流食意莫過於九層海鮮塔，可惜本人對清蒸海鮮無太大喜好，所以一直都無去。 但係最近朋友聚會投票話去食九層海鮮塔唯有跟大隊，當試試新野都好 最後佢地決定去九重鮮 平日夜晚黎到都幾FULL下,但係唔洗等位，環境都幾大,假期紅日就可能要book 定先有位。 入到去佢提供韓式前菜如泡菜等,而且無限任添,可以係等九重塔果陣醫醫肚，最後我地點左個3人份九重塔。 第一層係蟶子，象拔蚌仔 第二層帶子 第三層北寄貝 第4層蝦 第5層蜆 第6層蟹，大蜆 第7層鮑魚 第8層螺 最底豬肉粥 最樣海鮮都好新鮮，鮮味十足，只要沾少少豉油/落少少鹽就已經好足味，最鐘意個蟹有好多膏同好新鮮。由於最後掛住食唔記得影最底個粥，個粥好綿好重味，而且吸收海鮮既鮮味，有意想不到的風味。呢餐海鮮大餐都頗貴，不過一班人可以值得一試，愈多人個塔既野料更豐富。