更多
2018-02-04
380 瀏覽
好耐都冇去過銅鑼灣食飯，今日同大少去銅鑼灣行街食咗個好飽嘅下午茶。去到八點幾九點，大少就覺得好肚餓想搵啲嘢食下，凍冰冰就梗係想打個邊爐啦！大少就話有間過江龍嚟香港開咗間麻辣火鍋，我就話下，我唔係好食得辣嘅咋喎！佢話，唔緊要啦，人一世物一世咩都試吓呀嘛！何況佢除咗麻辣湯底都有其他湯底嘅！行到過去，佢話要九點半先可以有位俾我哋，咁都係仲有十幾分鐘就等一陣啦！我本身唔係話好鍾意食麻辣火鍋，一聽就覺得好似好辣咁！原來呢度除咗麻辣湯底，都仲有好幾款唔同嘅湯底嘅。我哋就決定帶鴛鴦湯，有辣有唔辣任君選擇😅我每次去打邊爐，第一時間就會整返啲調味料先。呢度啲調味料都算豐富，除咗豉油之外仲有好多唔同嘅醬同配料！其中最特別，我覺得就係佢嘅麻油同埋佢嘅紅油腐乳。店員同我地講，食麻辣火鍋可以落多少少呢個麻油，因為可以保護返個胃嘅！其實有冇保護作用我就唔係太清楚，但係我覺得呢個麻油都幾香嘅！睇返佢嘅成份除咗有麻油之外，仲有啲大豆油，相信啲香味都係混合而成嘅！好啦湯底到啦！我哋帶咗半鍋中嘅麻辣，另外半鍋就係嗌咗番茄湯！本身都好忐忑叫豬骨好定係番茄湯好，但係店員話番茄湯比較惹味所以我都揀咗呢個試吓！的而且確，個番茄湯
行到過去，佢話要九點半先可以有位俾我哋，咁都係仲有十幾分鐘就等一陣啦！
我本身唔係話好鍾意食麻辣火鍋，一聽就覺得好似好辣咁！原來呢度除咗麻辣湯底，都仲有好幾款唔同嘅湯底嘅。我哋就決定帶鴛鴦湯，有辣有唔辣任君選擇😅
我每次去打邊爐，第一時間就會整返啲調味料先。呢度啲調味料都算豐富，除咗豉油之外仲有好多唔同嘅醬同配料！其中最特別，我覺得就係佢嘅麻油同埋佢嘅紅油腐乳。
店員同我地講，食麻辣火鍋可以落多少少呢個麻油，因為可以保護返個胃嘅！其實有冇保護作用我就唔係太清楚，但係我覺得呢個麻油都幾香嘅！睇返佢嘅成份除咗有麻油之外，仲有啲大豆油，相信啲香味都係混合而成嘅！
鴛鴦鍋
$168
13 瀏覽
0 讚好
0 留言
好啦湯底到啦！我哋帶咗半鍋中嘅麻辣，另外半鍋就係嗌咗番茄湯！本身都好忐忑叫豬骨好定係番茄湯好，但係店員話番茄湯比較惹味所以我都揀咗呢個試吓！的而且確，個番茄湯真係幾好味；而麻辣湯底呢，以我第一次食麻辣火鍋來講都別有一番風味，因為對我來講已經好辣喇😝😝
菠蘿雪山
$38
7 瀏覽
1 讚好
0 留言
打邊爐就梗係要叫番杯凍嘢飲下啦！我哋今次叫咗呢個係菠蘿雪山沙冰，飲得出唔係糖水味，仲有少少菠蘿果肉係入邊，好解渴好清新！而且用嚟解難解膩都幾好啊！
炸重慶酥肉
$58
5 瀏覽
0 讚好
0 留言
呢一款係重慶炸酥肉，見到佢係熟嘅即刻急救試吓先。食落去個調味剛剛好唔會好濃味， 㗳多兩下發現有一陣麻麻哋嘅感覺好得意喎！再試吓浸湯食，吸咗少少番茄味嘅酥肉仲正！
凍豆腐
$38
7 瀏覽
0 讚好
0 留言
我嘅一貫作風打邊爐都必定會叫一啲好吸湯嘅嘢嚟食！今次就叫咗呢個凍豆腐，佢直頭好似海綿咁吸收晒啲湯嘅精華，令我諗起去台灣食嘅火鍋都有一樣咁嘅感覺😍
呢一個係腸灌豬紅，大少就話好得意，豬紅爽滑之餘再加埋個腸爽爽地口，加埋個口感都好特別啊！
本地手切牛肉
$138
18 瀏覽
0 讚好
0 留言
牛肉係打邊爐嘅必備食品！估唔到呢度嘅牛切牛真係好正！！超級香濃嘅牛味，唔係薄到張紙咁嘅牛肉嚟，亦都唔係咬落去好似香口膠咁！只係略嫌個份量細咗少少，唔夠喉呀🤣
拳頭丸
15 瀏覽
0 讚好
0 留言
本來好想叫雲吞同埋水餃試吓，可能太夜啦，好多野都賣晒！店員介紹我哋試吓呢一個拳頭丸，其實都幾得意嘅，食落去有少少似扎肉咁嘅感覺，少少彈牙得嚟，佢切開一片片似魚片頭嘅感覺多啲！味道都唔錯啊！
食到呢度我已經好飽，唯有下次再嚟食多啲野啦！
同埋如果佢嘅座位可以闊落少少，我相信客人會食得更加開心😊
張貼
