重慶劉一手火鍋店

Liu Yi Shou Chong Qing Hot Pot
124
14
9
港鐵銅鑼灣站 F1 出口, 步行約3分鐘 繼續閱讀
所有分店 (3)
電話號碼
21108889
營業時間
今日營業
12:00 - 00:00
星期一至四
12:00 - 00:00
星期五至六
12:00 - 01:30
星期日
12:00 - 00:00
付款方式
Visa Master AE 現金 銀聯
有關餐廳
人氣正宗重慶麻辣火鍋
「劉一手」登陸香港
冬天凍凍地,唔打邊爐真係對唔住自己!「火鍋控」要搵風味火鍋,就一定要試下重慶劉一手火鍋!最近,重慶劉一手火鍋第1068 分店終於殺入香港,以專屬香港的火鍋湯底及重慶特有的火鍋配料俘虜舌尖。
貴為重慶火鍋十大品牌之一,全國擁有多間分店,成為重慶劉一手火鍋第1068分店的香港銅鑼灣店,面積約6000尺,樓高兩層,耗資一千五百萬打造,由香港的著名室內設計公司香港店注入古色古香的設計元素 - 老重慶的一竹一瓦、一石一磚置於店內,重新演繹重慶老街的別注風尚。如今開始不用飛外地,都可以享受正宗的重慶火鍋真滋味!

食評 (167)
等級4 2019-01-01
1240 瀏覽
想食重慶劉一手火鍋很久了,今日來到銅鑼灣,终於來試吓朋友介紹並大力推介的正宗重慶麻辣鍋。餐廳装修充滿了古典氣息,金色的茶壺,一排排罐裝的油,火鍋枱上那個纸板牛牛,非常可愛,枱櫈都用了古色古香的木製品,令餐廳更是典雅。紅糖糍粑一份$58朋友推薦紅糖糍粑不错,所以趁等待火鍋期間要了個紅糖糍粑,煙煙軔軔的带甜的口感,非常好味。鍋底有正宗重慶麻辣鍋,龍蝦海鮮鍋及山珍雜菌鍋...等。火鍋配料也是非常多,有招牌劉毛肚,功夫腰花,水餃王,羊肉片,美國雪花肥牛及魷魚扒...等。鴛鴦鍋$168先揀了一個正宗重慶麻辣鍋半鍋配山珍雜菌鍋半鍋。羊肉片$108羊肉片上枱感覺非常抢眼及有惊喜,切得圆形的大大片,顔色鮮艷,羊肉片我喜歡用麻辣鍋,因為油香麻辣令羊肉更為惹味。水餃王$58水餃王也感覺令人惊喜,每粒都胀卜卜大大粒,用山珍雜菌鍋水餃味道較显原汁原味,我喜辣,感覺還是麻辣鍋令水餃麻辣中带香,令我更爱。魷魚扒$68初見還以為是芋頭糕呢,形狀與芋頭糕無疑,裡面非常多魷魚,麻辣魷魚扒都是第一次食,感覺辣得來又有口感,非常特別。凍豆腐$38食火鍋都喜歡要個凍豆腐,因為豆腐有钙質,豆腐我喜歡清一㸃的,所以比較喜歡用山珍雜菌鍋湯底。這個重慶麻辣鍋令我感覺很有驚喜,麻辣中帶香,非常正,值得推薦。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-23
1256 瀏覽
劉一手開左咁耐都冇試,今晚係銅鑼灣行完街去會下佢!終於唔太駛等位喇,等一陣就入得去 👍🏻👍🏻 不過兩個人都唔知叫乜好!下次要搵大班朋友一齊再黎 😋😋 我地好似一人一鍋咁 🤣🤣 我食 椰子雞湯,朋友食麻辣鍋,點解我咁講...咪就係因為我唔食到太辛囉!呢個辣度我盡左 🤣🤣 重慶麻辣都幾勁下!個椰子雞湯好正,雞好滑呀!唔會好似煲湯雞咁柴!個椰子雞湯好似阿媽煲既老火湯!正呀 😋😋 我地叫左牛肉粒同生菜,牛肉粒牛味濃又多汁!唔錯!其實侍應姐姐有介紹我地兩個人可以叫拼盤!多野選擇!但今日想食牛粒 🤣🤣呢個係劉毛肚,係一個好薄既牛柏葉!呢個人強列建議放落麻辣 🤣🤣 落椰子雞會冇乜味!唔夾 🤣呢道既豬腸都係有鹵過,就算放入椰子湯都好好味!當然麻辣鍋果邊更野味啦!呢個好特別,墨魚膠老油條/蝦膠牛脷酥,好正呀!香港好少牛脷酥既食品!唔錯 😋😋和牛丸,一咬爆汁,小心呀!牛味勁濃!大愛 ~好愛醬汁俾你選自己鍾意既 繼續閱讀
(以上食評乃用戶個人意見 , 並不代表OpenRice之觀點。)
本身約咗朋友Y食飯, 諗住佢去完美國鹽湖城,食咁多鹽份高既食物,實好掛住香港既嘢食啦, 點知佢咁冇人生規劃,放咗我哋飛機。好彩有另一個朋友A出嚟,加埋ot完過嚟嘅朋友K, 等齊人都差唔多成九點半,喺咁夜嘅時間,去啲開到好夜既火鍋店,會比較方便,起碼唔洗食得太趕。經過朗豪坊附近,見到呢邊有間新開嘅重慶劉一手,其實之前喺大陸食飯都聽過呢個名,不過估唔到佢而家喺香港都開咗。新開嘅關係,門口有好多花牌,不過見到呢一個蟹仔氣球花牌,都幾得意。有唔少嘅牛肉拼盤套餐推介,不過價錢都有番咁上下。除咗套餐,亦都可以散嗌唔同嘅牛嘅部位。 肉類同埋配料都有幾多款式, 有唔少款都幾特別, 尤其係啲嗌嘅黃喉、 麻辣牛肉等等。食嘢之前,店員好貼心咁送上圍裙。當然唔少得要試下麻辣火鍋湯底,另一邊就選擇咗椰子雞湯。麻辣嗰邊花椒味好香, 而且入口都幾辣, 已經叫左小辣,不過辣度依然好高,好彩嘅係佢之後加湯係會加水,咁就唔會越煮越辣。而椰子雞嗰邊都唔錯,幾欣賞佢加咗好多嘅椰子肉同埋杞子感覺清潤而且雞肉好滑,份量都唔少。高度推薦呢一個麻辣牛肉,落咗湯度之後中,牛肉都依然好有牛香,呢個麻辣牛肉唔好睇佢表面上有咁多辣椒粉,但其實都唔算好辣,反而有啲麻麻辣辣嘅香味,同埋肉質都算嫩滑。而呢一份黃喉切得非常之薄,而且好爽脆,加上切咗花邊, 淥完之後會捲埋,更加吸收啲湯底既味道。另外仲見咗鮮蝦雲吞同水餃, 中間嘅係麻辣牛丸, 雲吞同水餃材料好足,好大粒,不過兩款除咗形狀唔同,個餡都幾相似,但雲吞就多少少肉,水餃就會有木耳。牛丸都幾多肉汁,加上有少少麻辣香,但係唔會太辣,怕辣嘅人都食到。蔬菜方面我哋叫咗皇帝菜同油麥菜, 都幾新鮮幾靚仔,啲菜美尾位切走咗,所以食落都幾嫩。另外仲有響鈴,打邊爐不得不吃, 非常香脆薄身 ,夠曬索湯。另外仲叫咗紅薯粉同埋好得意嘅墨魚麵,墨魚麵同一般嘅面有啲唔同,比較彈牙,有少少感覺似食魚蛋。總括嚟講食物質素都ok,幾新鮮,而且湯底好足料,不過價錢方面就中上啦,但係佢開到成十二點幾一點,地點又就腳,所以下次都可以約朋友再食過。 繼續閱讀
(以上食評乃用戶個人意見 , 並不代表OpenRice之觀點。)
又係我呢個嗜辣者出動既日子!食呢間中國超紅既重慶火鍋,係中國已經有好多間分店,而香港就係佢地既第1068分店,有兩層高,設計都好古色古香雖然黎左劉一手,但望望佢個餐牌之後,我就叫餸叫得好留手,事關實在太貴啦,所以都唔係食左好多野佢都有特價SET既,不過我就冇嗌到調味專區佢個香麻油係每罐獨立包裝咁拎,幾得意,放心,呢個唔洗加錢正宗重慶麻辣鍋 $84(半鍋) 、 椰子滑雞鍋 $114(半鍋)要左鴛鴦鍋,重慶麻辣鍋揀左中辣,正宗既一定會帶股牛羶味,當然呢到都唔例外,中辣對我而言岩岩好,入口先係麻香,繼而辣味擴散係口中,不過偏油左少少;而椰子滑雞鍋係香港先有既鍋底,估唔到咁足料,都有半隻雞咁制,湯底好香,有一層雞油係面,先帶椰子微微既奶香,然後就係雞湯既味,雞味濃郁,好有住家FEEL 既湯底,但掛唔上食物,食物放落呢邊碌完都索唔到佢股味招牌劉毛肚  $148招牌點可以唔試下,餐紙有教碌佢約10秒就得,毛肚厚身少少,中意放佢係麻辣鍋,索哂啲汁,口感十分爽脆,真係必點美國肉眼牛肉  $128(約5片)其實有啲貴,得5片,而且好薄切,不過牛肉紋路幾令,同樣都係中意放佢係麻辣鍋,好奇怪地椰子滑雞鍋就咁食就咁飲好香好濃味,但係掛唔上食物到,如果碌牛肉落去都食唔到椰子滑雞湯味,碌毛肚都係冇咩味墨汁芝士魚餃  $58(8粒)見到有人食呢個好似好得意咁,已經係餐牌上面比較平既一款,以為係爆芝流心,原來唔係……呢個就真係好一般,芝士味、魚味都欠奉,冇乜特別不過佢加湯都係加清湯,可能本身已經濃味,又好似冇咩影響咁整體黎講質素OK,但價錢定位真係貴,靜係叫個湯底已經要$200,如果要食得飽再加飲埋野,我估每人都要$800-1000 繼續閱讀
(以上食評乃用戶個人意見 , 並不代表OpenRice之觀點。)
等級4 2018-08-06
4780 瀏覽
對上一次食麻辣火鍋應該是兩個月之前的事,今日心癢癢想吃點刺激味蕾的食物,於是是跟朋友約定佢吃重慶劉一手!其實已經有兩年多沒有去劉一手對上一次吃留一手是在重慶旅行的時候,想念在重慶的那時。餐廳座位很闊落,裝修比起在重慶時吃火鍋的店更加華麗整潔。火鍋料種類繁多,選擇困難症的我又遇上難題了!我們選擇了限定時令冬瓜盅湯底,麻辣鍋底!在等待火鍋的時候,我們叫了紅糖糍粑!紅糖糍粑外脆內軟,入口軟綿綿不黏牙,沾上紅糖味道更加好吃,吃不停口!其後我再去調味料吧吧我最喜愛的陳醋賣油現世等等的醬料混合埋一起,混醬混醬😝😝😝鴛鴦鍋(左邊是冬瓜盅,右邊是麻辣鍋)店員介紹冬瓜盅喎的湯是可以喝的,內邊有冬瓜冬菇等等的材料,湯水果然清甜解暑!喝了兩大碗😂火鍋料一到馬上把牛肉放在麻辣鍋中!好香香!叫了個牛肉套餐D: 極尚牛肉拼盤盛看牛肉的肉質質素還不錯!當中有霜降牛肉粒六件、澳洲和牛小排六片、美國雪花肥牛四片!吃肉也要吃點菜單點了一個雜菜拼盤,有姑又有菜瓜,而且材料很新鮮!再叫了一個凍豆腐放進麻辣湯底,完全吸滿了麻辣湯的精華,入口慢慢啦的很鮮味!不要看小這個份量!兩個人吃已經吃得飽飽,抱着肚子就10分滿足!可是價錢比起在重慶時吃得的貴!不過性價比也頗高! 繼續閱讀
(以上食評乃用戶個人意見 , 並不代表OpenRice之觀點。)