186
24
10
港鐵銅鑼灣站 F1 出口, 步行約3分鐘 繼續閱讀
所有分店 (4)
電話號碼
21108889
營業時間
今日營業
12:00 - 00:00
星期一至四
12:00 - 00:00
星期五至六
12:00 - 01:30
星期日
12:00 - 00:00
付款方式
Visa Master 現金 AE 銀聯
食評 (244)
等級4 2019-08-30
4419 瀏覽
今晚約左E食dinner 我地都想食麻辣火煱,大家同時諗起劉一手。醬料費$10~ 檯面放上十多種調味配料, 我調咗一碗有炸蒜,芫荽和劉一手獨有的麻油落配料中, 好香好濃的麻油味即時飄溢出來!鴛鴦鍋$141(半價)~鍋底做緊半價,超抵!我揀左正宗重慶麻辣鍋(半鍋) 和酸菜魚鍋(半鍋)麻辣鍋由滿滿的辣椒和花椒組成,形成辣,麻,香,鮮的口感,雖然我只是揀小辣,但足以令人頭皮發麻,不停冒汁,簡直對它愛恨交纏!酸菜魚鍋有大量的芫荽,酸菜,大葱和魚肉,湯底又酸又帶點辣,極為開胃!魚肉也好滑嫩,美味!海鮮套餐$568~這個海鮮套餐有四隻活鮑魚,8隻鮮活海蝦, 四隻大扇貝和四件厚切鯇魚四隻鲍魚躺在冰盤上時還是活生生的不停舞動, 極為新鮮,灼熟後肉質豐厚飽滿,柔軟有彈性,鮮甜美味,超好味!鮮活海蝦又大隻又新鮮,蝦鮮肉爽又彈牙,帶有海水的鹹味,好正!扇貝肉質細嫩,爽甜鮮滑,好美味!豚肉片(半份)$68~ 豚肉片口感柔嫩,肉汁香甜,good ar! 凍豆腐$38~ 質感綿軟,一層層形狀像蜂巢的小孔吸收了湯汁後非常美味!鐵棍山藥$38~ 山藥中的極品,清甜爽口,有補氣,滋養的功效!秋葵$38~ 秋葵那滑潺潺的口感不是任何人也可以接受,但經過輕汋後會變得爽脆,味道香甜, 而且營養價值非常高, 我十分喜愛!寬粉$38~ 寬粉晶瑩通透 ,又滑又軟, 無論放在麻辣湯底或是酸菜湯底都一樣美味!意想不到麻辣火鍋店竟然有沙冰作為甜品,食完麻辣火煱再吃沙冰,真是辣氣盡除,非常冰凉解渴!波蘿鮮果沙冰$88~用新鮮波蘿做成沙冰,還有新鮮的波蘿波波,酸酸甜甜的,好fresh好好味!哈密瓜沙冰$88~和波蘿沙冰一樣,哈密瓜沙冰除了可以吃外,還可以當菓汁喝,超爽! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-11
3036 瀏覽
休息日行過呢間火鍋店,醒起舊同事成日話好食,見佢湯底做緊半價,一於入去辣辣爽吓。店內光猛企理,有啲中國農家味道,樓上窗旁更有啲客棧感覺。自助醬料區有16種選擇,居然有老干媽!跟住指示整個正宗風味,麻油+蒜蓉,再加啲芫茜、蔥、陳醋。有6種湯底,我哋揀咗鴛鴦鍋,酸菜魚鍋(原價$198/半鍋)正宗重慶麻辣鍋(原價$84/半鍋)由於有半價,成個鴛鴦鍋都係$141咋。兩款湯底各有千秋 ,麻辣湯底叫咗小辣,紅油蓋面,好多花椒+辣椒乾,香氣撲鼻,又麻又辣,越滾越辣,好過癮。另一個係新湯底酸菜魚鍋, 魚片嫩滑,有好多片,味道酸酸辣辣好開胃,呢個湯底都越滾越辣, 到後期會幾辣架。唔想食咁多肉,叫多啲蔬菜類:鐵棍山藥$38,秋葵$38,凍豆腐$38,寬粉$38。豚肉片$68半份海鮮套餐$568好吸引,鮑魚、海蝦仲好生猛,鮑魚、元貝各4隻、海蝦8隻、脆肉鯇8片,全部都好新鮮!元貝鮮甜爽脆,鮮味十足!鮑魚口感腍滑爽彈,好味!海蝦大大隻,肉質爽彈,味道鮮甜!豚肉片滿有肉香,好味。寬粉煮熟後變透明,吸收咗湯汁好好食。由於兩邊湯底都越滾越辣,辣到我哋每人叫咗個沙冰,原來好大個架!哈蜜瓜鮮果沙冰 $88用咗成半個哈蜜瓜,沙冰堆到好高,仲有3粒哈蜜瓜肉,沙冰用哈蜜瓜汁整,好甜又冰涼,即時解辣呀。菠蘿鮮果沙冰 $88菠蘿沙冰係成個菠蘿上,除咗沙冰仲有菠蘿肉,好香菠蘿味,飲咗真係透心涼,口腔完全無晒辣味。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-11
2036 瀏覽
早兩日即興想食麻辣火鍋,所以特約朋友去食依間餐廳,之前都食過覺得好正又辣得過癮,今次再黎辣一辣,但朋友唔太食得辣,最後叫左一邊正宗重慶麻辣鍋小辣同一邊酸菜魚鍋,一送到黎不斷傳黎陣陣麻辣味,辣椒份量非常多,攻鼻到鼻痕痕,而酸菜魚鍋一樣足料有大量酸菜同魚片,湯頭酸中帶甜,飲個時慢慢有少許辣味湧出,唔錯之後出左自助醬料區拎醬料,同拎左餐廳獨有既招牌麻油同醬料拌匀咁點,麻油味極香濃,將係麻辣鍋個邊煮熟既食材再點黎食,的確有解辣功效叫左牛頸脊半份,即係手切牛肉,賣相不失霸氣,灼一灼就食得,厚薄適中,雪花紋路好靚,牛肉味好濃郁,食得出好新鮮,啖啖肉超正之後就黎小食油炸鬼墨魚滑,一份有八件,炸得香脆可口,我個人就比較喜歡放入麻辣鍋灼一灼先食,帶麻辣味食更加惹味十足手打牛肉滑丸叫左半份,非常彈牙,牛肉鮮甜味好突出估唔到龍躉份量都幾多,滑中帶韌口感,唔好灼太耐,否則會過份韌口,魚肉鮮味強烈,每片都係厚切,的確性價比高最後點少得我至愛既澱粉質,平時都係成日叫烏冬,今次叫重慶小麵,估唔到麵條爽彈有質感,配麻辣食真係一流飲埋杯椰汁沙冰解下辣最好不過,椰子味好濃郁,又唔甜,好好飲 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-01
120 瀏覽
Haven’t visited this hot pot restaurant in over half a year. The price is on the higher end but the ingredients and the soup base are also top notch. Sad that they didn’t have one of my favourite ingredients but everything else was delicious. They also have a membership program which is quite a good deal even if you go every now and then. 繼續閱讀
(以上食評乃用戶個人意見 , 並不代表OpenRice之觀點。)
等級3 2019-12-27
88 瀏覽
聖誕節黎左呢到打邊爐,好耐冇食過貴價邊爐同靚牛,所以好興奮!!間野裝修好靚!叫左麻辣火鍋拼豬骨湯火鍋,朋友話自己食辣但竟然叫左bb辣,仲恥笑左佢一陣,點知食下食下越嚟越辣🤣雖然啲牛都偏貴,但黎到個樣都好靚好唔錯!!仲叫左熟食油炸鬼墨魚滑,我就覺得呢碟可以唔叫,唔算好好味,下次可以skip!菜叔叫左皇帝菜!打邊爐至愛!味道係同其他菜唔同嘅!響玲質素都好好呀,邊爐必點!總括嚟講,鍾意食辣真係要試下! 繼續閱讀
(以上食評乃用戶個人意見 , 並不代表OpenRice之觀點。)