正宗水上人氣鍋專門店 (已結業)

同屋企人一齊去食蒸氣火鍋，好少機會一家人去食飯～見今日齊人就一於去慶祝下～第一次去食蒸氣火鍋，我地都未食過所以都係膽粗粗去試下～難得一家人食飯就食多啲唔同既野，而且又可以大班人一齊柴娃娃。岩岩好坐低已經見到依個竹蓋，一陣食野就係用依個爐依個蓋做蒸氣海鮮另外，個場都幾大，有分上下兩層，坐到好多圍枱，大家庭都no problem紐西蘭鑽石蜆，份量四人食岩岩好，蒸完味道好鮮香，蜆肉鮮甜入味，原來清蒸咁煮個味會更鮮香，保留原汁原味咁食～蟲草花蒸雞，超級推薦！啲雞滑到呀媽都唔認得，好香既蟲草中藥味，但一啲都唔苦，雞肉已經吸收左蟲草既精華，所以食落都會有陣蟲草味，但絕對好食！雪花和牛粒，食落好煙韌，香濃既和牛味，而且幾多肉汁，份量適中，蒸完個味道特別出，鎖住原本既和牛肉汁，唔錯！