影片
更多
2008-01-07
第一次食泰國野就山長水遠入左呢到食,係tuen mun搭的上去唔洗跳標就到,去過一次就唔會覺得佢難揾,搭輕鐵去到鳴琴行條斜就到,入到去環境都幾開揚,有露天同室內兩種位,今日坐左露天位,冬天坐唔覺辛苦,仲有大電視對住你tim。因為帶我去食個朋友食過一次,於是入去就叫左柚子沙律,另外就叫左蝦餅同燒青魚,野飲叫左椰青,乜都未黎之前有蝦片比你過口癮,少辣,都幾好食,第一樣黎o既係柚子沙律,入面有柚子、花生、蔥花同辣椒,用泰式o既汁撈埋,食落口shor shor聲,味道係又凍又澀又辣,雖然我覺得又凍又辣呢個感覺幾新鮮,但朋友話之前食好食好多,首先,個柚子唔甜,仲要澀澀地又雪到有沙冰效果,一人食左兩啖就放棄左喇,老闆娘見我地冇食就問咩事,係咪辣得濟,於是照實情反映,估唔到老闆娘自己話幫我地cancel呢個order,叫我地睇下有咩其他啱食,於是叫左泰皇蟹中寶,老闆娘仲講解埋蟹中寶係d乜,抵讚。之後黎蝦餅,炸到啱啱好,外面脆入面仲好彈牙,仲有個醬係甜甜地,啫甜o既人應該都會鍾意。再黎係燒青魚,我本身唔食魚都食左大半,保留到魚汁,仲有d香茅同香料o既香味,食時有2種汁料,一種係泰式辣汁另一種係甜豉油,
因為帶我去食個朋友食過一次,於是入去就叫左柚子沙律,另外就叫左蝦餅同燒青魚,野飲叫左椰青,乜都未黎之前有蝦片比你過口癮,少辣,都幾好食,第一樣黎o既係柚子沙律,入面有柚子、花生、蔥花同辣椒,用泰式o既汁撈埋,食落口shor shor聲,味道係又凍又澀又辣,雖然我覺得又凍又辣呢個感覺幾新鮮,但朋友話之前食好食好多,首先,個柚子唔甜,仲要澀澀地又雪到有沙冰效果,一人食左兩啖就放棄左喇,老闆娘見我地冇食就問咩事,係咪辣得濟,於是照實情反映,估唔到老闆娘自己話幫我地cancel呢個order,叫我地睇下有咩其他啱食,於是叫左泰皇蟹中寶,老闆娘仲講解埋蟹中寶係d乜,抵讚。
之後黎蝦餅,炸到啱啱好,外面脆入面仲好彈牙,仲有個醬係甜甜地,啫甜o既人應該都會鍾意。
再黎係燒青魚,我本身唔食魚都食左大半,保留到魚汁,仲有d香茅同香料o既香味,食時有2種汁料,一種係泰式辣汁另一種係甜豉油,各有風味,而魚本身食落有d似秋刀魚,但比秋刀魚多汁同滑,值得一試。
而最後係蟹中寶,我本身淨係鍾意食大蟹腳,但今日我都食左成隻蟹,蟹中寶其實就係咖哩炒蟹放係一個佢地自制o既大法包入面,即係一個好大個圓形o既法包再造成好似個煲咁o既樣入面係咖哩炒蟹,d咖哩汁好香,唔會辣,啱晒唔太鍾意辣o既我,蟹係兩隻細o既肉蟹仔,冇乜肉食,如果變左做一隻大d o既蟹會好d,而個法包就唔係我地平時食個d又乾又硬o既法包,反而外面一層好脆,入面d包仲係軟綿綿,法包配咖哩汁原來都幾襯,兩個人係咁食唔停,但真係食得太飽,食唔晒d包,呢個蟹中寶係必食,比起青魚我覺得更值得一試。
埋單$346,所以抵食比三分,抵唔抵見仁見智,老闆娘真係幾好service,另外個丫姐比人感覺麻麻,不過野食搭夠,可以一食再食。
張貼