芭蕉葉正宗泰北菜 (已結業)

27蚊個飯,山景黎講係貴,但係呢個環境,呢個質素黎講,我覺得係冇問題用色香味俱存形容,絕對名乎其實色澤繽紛,用料充足菜香撲鼻,齒脥留香冇蝦片唔係唔好食,但有蝦片有點睛既作用27蚊,食到呢個飯,真係唔錯

我以下會從幾方面講下，環境方面個度幾靜，可以坐出面或入面，地方乾淨企理服務方面Ｄ人態度好好，成日加水，而家天氣凍會針暖水，幾細心食物方面叫左芋頭焗飯，焗青口，小食拼盤等，芒果冰好正，魚餅就麻麻４個人食左三百幾四百蚊，都ＯＫ最唔滿意係一坐低佢放低左ＤＵＬ蝦片，我地以為唔洗錢咪食ＬＯＲ，埋單個陣佢都唔出聲，我地到ＣＨＥＣＫ單個時發現唔啱問佢佢先講，本來十蚊都唔係貴，但佢咁樣我就覺得有Ｄ老屈，如果佢一開始同我講的我都唔會叫佢拎走所以如果各位唔食蝦片就叫佢拎走喇

前幾日同老公,仔仔見報紙介紹這間泰國菜,原來屯門山景都有間咁特別食店.我哋点有以下:大頭蝦椰青,好清香咖喱味, 用椰青肉一齊煮,好好食.仔仔鍾意食蒜蓉包,一於order同D咖喱一切点, good! good! good!糯米釀雞翼: 大大隻, 實的的, 有糯米‧花生‧粉絲,好好味. I like it.泰國臘腸炒椰苗: 士應哥哥話椰苗的"泰國蔬菜"好奭好清香, 於是ordor. 吃落真係爽甜, 泰國臘腸原來好似豬肉干,好得意.芒果冰: 啖啖芒果肉打戌飲品, very good! 好勁!地方好舒服, 我哋坐木枱區有大電視, 自然風, 正!下次會再來嘗新嘢.

因Honey 特地剪下此餐廳之報章, 於是星期日特地駕車前往, 因報章上提到食物及環境都ok, 都有期望..不過好明顯失望而回了...先講環境, 我同honey坐戶外木檯、「登」係比較理想的位置,坐得都舒服, 但只得數張,如果遲黎我見要坐入面,好迫下...1) 燒魚沙律唯一一樣我倆滿意及覺得好味的食物!比較特別及香料汁調配得唔錯, 但都幾熱氣架! 因為條魚係炸架2) 蝦薄餅唔係好脆,只不過用2塊類似春卷皮夾住蝦膠炸成,坦白講冇乜蝦味, 又唔脆...普通得好緊要!3)糯米雞翼好油....只係糯米好有味,雞翼冇味同好乾,一夾就成件散....手工明顯差4) 白雪飄花特式卷好難食! 成件都冇味,得個甜酸汁....唉,最攪笑係裡面有d類似米線既野....好似食緊一堆白烚米線一樣...唔掂!5) 泰式炒通菜平生食過最冇香味同穫氣的泰式炒通菜! 求其搵人炒都好食過呢度!可能我地成日食泰國野...真係有比較,九龍城任何一間都好食過呢度! 如果住係附近又要求唔高又唔介意貴可以一試,然後死心...如果唔係, 寧願去一間真正有心機煮的泰菜食好過啦! 不過多謝晒noney請喇....

人物：James, Sylvia, Tigger and Pooh睇番openrice，原來四年無黎喱度食，久違了！叫左個四人套餐，四個椰青，一個芒果沙冰，一個白飯．小食就係胡椒蝦餅，食到唔停口．１．泰式拼盤：春卷，蝦餅，魚餅，雞，香口食物，好食．２．菴列蛋炒飯：普普通通．３．香芒凍蝦：一般，有ｄ麵同salad醬，配搭怪怪的．４．椰青蝦球：好好食，專登叫白飯黎送埋ｄ汁，好清甜．５．燒明爐魚：美中不足係唔夠熱，冷氣位吹住，又熄左火．味道酸酸地，幾好食．６．蠟腸炒芥蘭：唔肥既蠟腸，都算炒得幾好．

地方來說比較偏係嗚琴落左輕鐵要行5分鐘到而且街燈比較暗入去唔方便環境方面因為怕有蚊book左室內坐好彩無坐室外因為落雨而且近垃圾站...有異味會影響食慾坐低無耐就個d待應就放低蝦片辣辣地幾好食~好香脆唔油脷不過坐下坐下由於近窗口位...我見到有隻大約一隻滑鼠咁大隻ge小老鼠係窗外個露台閃過...可能近垃圾站衛生有待改善通菜麻麻地好食無咩特別而且好咸...泰皇蟹中寶唔錯不過始終唔係食蟹ge好時候隻蟹無咁新鮮無咩鮮味但咖哩幾好食唔辣個面包吸曬D咖哩好夾無吸到咖哩(面個舊)好香脆反而軟殻蟹好有味調味得好好炸得唔錯不過份量有d小4個人食一人一舊感覺好得意啖啖肉青口味道正用左牛油焗好香口面個d蒜蓉都好入味唔會梅咬落彈牙但得6隻爐魚唔錯d肉質好好酸甜汁好好食不過要小心辣蕉好辣唔食得辣一定要挑起甜品方面椰汁糕普普通通但幾實淨唔會一口咬落去d料就散曬D椰汁個口感岩岩好好似布丁咁GE感覺下面D西米唔會煮到無曬彈性粒粒分明唔會一PAT野但又一粒一粒咁痴住唔會食左面個D椰汁就散曬芒果糯米飯芒果唔甜酸左DD飯幾煙銀不過係一人份量如果要分黎食一人一至兩啖到但個面加左椰汁好夾好好食

今日同一家4個人去左呢個泰國菜到食..一坐低...坐著個廁所位..好彩冇咩臭味,但係位就有d迫..首先一坐低有一籃蝦片奉上,有小小辣味,份量幾多,香脆可口好啦到點菜...點左 串燒1打,大頭蝦一客,蒜蓉包一客,白咖哩豬肉,炒芥蘭,豬頸肉,炸蝦餅,串燒 : 豬牛雞各小許,除左雞係ok 唔太鞋之外,豬係非常之鞋同"un" 好難咬, 牛更加唔得,過熟之外,d肉仲係霉ge tim,但醬汁係好味的!!蒜蓉包 : 呢個可以..但4個人食就唔多夠,幾香口白咖哩豬肉 : 洋蔥非常非常多,豬就得好小,薯仔得幾舊,薯仔唔入味,唔林 豬肉同串燒的豬肉差唔多,都係又un 又鞋,如果鐘意食洋蔥的話不妨一試炒芥蘭: 屋企人話ok..我自己冇食..有幾片立腸伴炒,豬頸肉 : 份量不多,唔知係用咩方法煮=,= 燒ge話又冇燒烤味,一味得個油!炸蝦餅 : 呢個算係ok ..幾可口,大概有7,8件半圓形蝦餅到大頭蝦..呢個真係好激氣,,首先佢話一客,我地都冇預佢會好多,點知係得隻半, 姐係3件切開左一半ge蝦, 盛惠$99 不特止

呢排愛上食泰國菜.....見之前D食評唔錯......就去試下呢間野......價錢方面，屬於中等.....無元朗間"泰屋"咁貴，亦冇志樂間"小曼谷"咁平.....服務方面，屬於中上.......侍應d年紀都算細，應該係暑期工，但態度幾好，好主動咁幫我地加水，上菜都幾快手。食物方面: 十個失望...........咖哩豬真係....D肉好"鞋"...件件都有"咋"......但個汁就唔錯....甜甜地咁....D薯仔同洋蔥都唔錯串燒方面，醬汁幾好: 雞串都可以接受， 豬串同牛串真係 件件都有"咋".....仲差過街邊d串燒...........最令我o咀ge 係............一碟價值 $99-hk ge 燒大頭蝦........呢碟野真係經典........-一碟有一隻半ge所謂大頭蝦.......(點解我話一隻半? 因為佢有3串...每串有半隻，嘩!即係1隻蝦66蚊?!!!!!!!!!!!!!!每隻仲要得10CM咁長...用支簽串住舊蝦肉,實質得5CM長GE蝦肉條@0@)-跟住即刻同個侍應後生仔講....有冇上錯菜? 佢跟住叫個中年女人黎(應該係老闆娘).個老闆娘話:係呀!

呢間餐廳o係我中學時代成日都黎食lunch~總覺得味道麻麻而且唔多抵~ 但係就夠大碟~近排見到佢多左咁多食評就相約好友過黎食啦~因為係父親節前夕, 分左兩round booking,我地book左second round, 訂枱時各服務生告之會被安排o係outdoor~幸好去到既時候可以座進餐廳內..如果唔係真係熱死同埋會餵蚊呢..我地有6個人,原本想叫個4人套餐再散叫~但計過數後發現set 既價錢竟然相若.所以散叫左豬頸肉$49, 鰂魚沙律$78, 泰式炒椰菜苗$39, 泰式蟹中寶$168, 香草炒粉絲$55, 菠蘿海鮮炒飯$59, 甜蜜蜜香盞$29侍應先放低兩籃蝦片做小食~呢d香口野~當然好味啦~先上豬頸肉, 反應不錯~但我冇食, 應該味道還可以啦~鰂魚沙律: 其實係將鰂魚起肉去炸, 因為配左d香料,蔥, 辣汁, 醋等, 因為太熱氣同埋辣,朋友們對呢個菜冇咩興趣, 所以大部份係我食晒, 其實只係帶有酸辣, 但真係幾熱氣既.泰式炒椰菜苗: 侍應落單時介紹的菜~menu上面冇架~ 一向o係九龍城有食開此槨苗,而且我覺得唔錯~但朋友就話太多纖維,好有口感. 泰式炒其實食唔出有咩特別~下次

小弟家住港島，這間芭蕉葉卻在老遠的屯門，但美食當前，令小弟也第二次遠道而來為食一番。今次我們一行十二人，坐不到鋪內空調雅座，簡簡單單就在丁屋下的鋪前空地星空下開餐（有幸不是夏天，不然應該是蚊子先來開餐哩 ）。老友聚舊，大家也掛著講東講西，不想花精神時間點菜，就來個套餐，再加個泰式拼盤吧。開餐前先來小吃炸蝦片，賣相普通但異常香脆，還帶少許辣味，單單是蝦片我們也「消滅」了四籃，正！ 之後，套餐十一道小菜逐一奉上．．．泰式雜錦拼盤：有炸魚餅、蝦餅、春卷及香葉包雞，香口美味的小吃，配上冰凍泰國象啤確實一流，如果面前有足球電視直播便完美！ 泰式串燒：應有的味道，醬汁亦不錯，最可惜不夠熱，少許敗筆哩。 馬拉盞炒通菜：水準之作，馬拉盞夠多，汁也夠香濃，略嫌份量少了點。 原條燒鯖魚：鯖魚燒得剛剛好，外脆內鮮，配上兩款特製醬汁，正！ 白雪飄花特式卷：其實為泰式粉皮春卷，味道較清淡，幸好有酸汁搭夠。 綠野仙蹤：蕉葉包著炭燒糯米飯，有椰香味，偏甜，作為甜品更好。 醃製香燒雞：味道比賣相為好，雞肉夠鮮嫩，不過可以燒得更香口。 鹹魚炒芥蘭：比之前炒通菜更好，鹹魚夠香，芥蘭也嫩口。 冬蔭功湯：以涮羊肉窩形式上檯，

想試這家區內泰國菜很久,趁著小妹生日大條道理去試,約了弟婦姐姐和兒子一同大吃一餐泰菜。電話訂位時才發現我的生日飯竟是6月6日星期6晚上6時半6位,圍骰通殺!!環境位處公共屋村旁的丁屋群內, 所以地方會較一般餐廳寬敞,要不是天氣太熱,坐戶外比較有風味,畢竟木椅木桌加上樹木環繞是有點泰國feel的;室內雖有冷氣,但地方較迫狹,連桌子也小小的,想放多些餸菜也有點難度。每桌必有炸蝦片一籃,脆脆的蝦片的確香口又夠脆,小朋友更加非常捧場,當我到場時原來已經refill第二籃了。泰式鳳爪為弟婦及其姐姐而點,去骨鳳爪看似份量很多,其實下面墊著不少洋蔥、芫茜和生菜, 幸而2位辣妹連洋蔥也幹掉,這才沒有浪費!鳳爪相當彈牙,雪白夠凍實在清涼, 碟底的酸辣汁對我而言仍是辣到噴火,事實這店的辣度比不上石排頭路泰開心那的辣勁。咸魚炒椰菜苗炒得很香但份量不多;咸魚切得大粒不是咸魚茸,炸得香口之餘香味也更香;本來點炒芥蘭,侍應小弟主動詢問有興趣試椰菜苗不?? 當然!! 椰菜苗每條細小又幼嫩,入口無渣,質素不俗,油份也不算太多,不會很油膩。另一道小弟侍應推介的魚沙律用作代替想點的五味魚,還以為是魚片加上沙律而成,原來是

一行四人又黎啦鰂魚沙律 $78 - 炸既魚, 仲切好一小件肉出黎.. 配蔥, 酒, 辣汁, 醋, 酸酸辣辣好好味呀^^香芋焗飯 $55 - 一個沙窩上, 有蝦, 芋頭粒, 雜豆, 食落好香椰汁味同芋頭味.. 正=]冬蔭功湯河 $35 - 四個人每人都有一碗仔丫, 真係好鮮味 !!!!椰青燉翅 $78 - 送上台果陣有多隻碗仔裝住.. 岩岩夠四個人分.. 有冬姑絲, 椰青肉, 翅, 好似用椰青水煮出黎架.. 味道好清甜~

人地未睇完 menu, d 侍應收都收唔切, 又唔係唔夠用.. 來來回回我都問佢拎左幾次啦><冬蔭功湯 - 有三隻半邊大蝦, 雜姑, 飲落去好鮮既海鮮味同椰香味, 酸酸辣辣, 醒胃呀生菜包 ( 豬 ) - 都幾辣下, 下次要少辣先得.. 都有十多塊細生菜.. 幾好味丫 !!!!金瓜飯 - 原隻南瓜, 有半邊大蝦, 小小蟹柳, 洋蔥配炒飯, 等左好耐先上台, 肯定即叫即整, 熱辣辣=]特式花春卷 - 唔好食唔好食, 一定唔好叫.. 個皮好d un, 自己整都唔會咁既~~~ 有泰式"立腸", 米線, 紅蘿蔔同d瓜, 配泰式辣醬椰汁西米糕, 星期一至五甜品半價, 雖然個樣衰小小, 但都 ok ge""芒果黑白糯米飯, 只可揀黑 or 白, 我係 kowloon city 食係兩色架 !!! 見到佢訂番熱 d 糯米飯, d 糯米飯做得唔夠好呀, 無椰味.. kowloon city 果 d 飯有用椰汁一齊煮, 所以聞到都已經香噴噴..

我都知道今晚要等!不過等1個多小時先至有位也不要緊,叫我用40分鐘落單、食埋要走也沒有問題!但落單後10分鐘先來的泰式鳳爪,不夠味亦不入味,真差勁!7分鐘後再上的生菜肉碎包(豬)都只是ok!跟住又12分鐘上泰式春卷,全晚比較好吃慨,不過炸到爆哂口!等多5分鐘也有炒椰菜苗來,也ok的!10多分鐘才上很有名的濕炒牛河!更差!牛肉so亨亨!還有一個炒飯漏單!這餐要3佰多,真嬲爆! ps:唯一服務幾好!

見到openrice 好多食評都好好, 於是同老公去嚐吓.地方好適服, 我地擇半露天的木枱座位, 感覺好好.先來個自家蝦片, 少少辣好好味, 可適有少少咳唔可以食太多, 如果唔係一定我食晒,因為好多嘢擇唔知點算好, 士應好好人,慢慢介紹比我地, 今日我想食D唔辣, 佢介紹咗:1) 金爪飯 -- 好香,好清甜, 加埋金肉好好食.2) 燒糯米 -- 用香蕉葉包住燒香, 唔乾又有椰汁味, 有肉鬆, 好有層次感, 我鍾意作小吃, 老公話作甜品都得.3)泰國臘腸炒椰苗菜 -- 由泰國返瓈, 口感唔錯, 泰國臘腸好似豬肉乾幾得意.當日見到好多枱客人都叫咗用大法包載的咖喱炒蟹同埋有碟用魚做的沙律, 我估應該唔錯,等過2日再來.