滇味 (已結業)

我帶住兩個小朋友，放學後去搵地方食野，見呢間一直以黎未食過就去試下啦入到去坐左一陣都冇人理我地，就連水都冇……揀左野食之後，嗌左好多聲先有人應我地，問我女著校服係咪平啲？佢話中學生先有，又好寸咁話門口有寫，我話你餐牌冇寫喎……算啦～果幾蚊由佢，之後阿仔話想飲水，又係叫極冇人應，咁自己斟啦，但啲水好熱，問姐姐有冇唔熱嘅水，佢又話冇，咁我唯有出去買水，可能阿仔襯我出去嘅時候飲果杯好熱嘅水而燙傷，姐姐先肯加冰比我地。我地叫左蝦仁雞粒炒飯，D飯又油又冇味，叫左椰汁紫米冰小冰，居然一粒冰都冇不特止，仲要係淡而無味，真係淡得誇張！未試過咁差嘅椰汁紫米冰，未上試過咁差嘅餐廳……