滇味 (已結業)

前排去開太子附近見客，一個人到lunch Time就求其揀左一間餐廳入去，食見到環境都OK，靜靜地，同埋Menu都算多選擇。。嗌左個醬燜豬軟骨飯，點知上枱嘅時候，真係呆左一下！冇諗過個飯係完全冇汁！「醬燜」啲醬呢？？😖😖 而且完全唔似豬軟骨，反而似排骨加白飯，同埋啲肉係冇味㗎。。。。。影咗相俾朋友睇，佢哋仲笑話似係醫院餐。。。。。本身見到餐牌價錢唔貴都幾開心，點知原來個質素係咁樣，咁就真係好唔抵食喇。。。。。

回公司前，很趕急地隨便找了一處吃飯，便去了這店。叫了2餸酸辣紅薯粉，紅薯粉全都好軟好易斷，花了好多時間才夾完全碗。除了辣味和少許醋味，其他味道是完全沒有。配料的份量也很少。有點失望。

話說今日早餐都未食就出左去太子，太肚餓la，就是但去左le間餐廳食同男朋友一入到去 坐低就好快咁叫左2個lunch set la 好快野食就開始上la碗莞茜湯唔知點解紅色既但係飲落去都ok ge杯朱古力淡到好似水咁薑蔥熗香雞飯，d雞既味道好淡，點左薑容都冇咩味。連雞味都冇，食左半碟都好似冇野落過肚咖喱薯仔雞飯，比較好少少，起碼有咖喱味，但係雞同飯既味道都偏淡食完之後完全唔飽肚唔太建議去食，除非你係個食得清淡同少份量既人

同荃灣那間普洱應是同一集團，好味，飲品特色好飲，麵大碗湯底好。和荃灣普洱質素一樣高，芝麻特飲依然香滑濃。米線軟硬適中，唔會太軟弱，餸菜特色，但價錢不貴，最主要飲品真係好多款式，又要好飲。

許久沒有吃汽鍋雞，見到個滇字，以為吃汽鍋雞必定不會錯，結果中伏。點了一鍋汽鍋雞再加白飯，本以為有雞食，誰知整鍋都找不到一埋雞，只有雞碎，又不是汽鍋上，結果是沒有汽鍋也沒有雞。感覺似湯飯。

我帶住兩個小朋友，放學後去搵地方食野，見呢間一直以黎未食過就去試下啦入到去坐左一陣都冇人理我地，就連水都冇……揀左野食之後，嗌左好多聲先有人應我地，問我女著校服係咪平啲？佢話中學生先有，又好寸咁話門口有寫，我話你餐牌冇寫喎……算啦～果幾蚊由佢，之後阿仔話想飲水，又係叫極冇人應，咁自己斟啦，但啲水好熱，問姐姐有冇唔熱嘅水，佢又話冇，咁我唯有出去買水，可能阿仔襯我出去嘅時候飲果杯好熱嘅水而燙傷，姐姐先肯加冰比我地。我地叫左蝦仁雞粒炒飯，D飯又油又冇味，叫左椰汁紫米冰小冰，居然一粒冰都冇不特止，仲要係淡而無味，真係淡得誇張！未試過咁差嘅椰汁紫米冰，未上試過咁差嘅餐廳……

似港式茶餐廳星期日下午行到太子區, 想搵D食下, 行咗入去有下午茶食嘅雲南店.望下其他食客唔多食雲南米線, 我都叫咗個港式嘢來食. <<雪菜肉絲炆米>>港式味道, 港式價錢, OK啦. 見佢飲特色飲品款式幾多, 又唔需要加錢, 我試咗杯<<薄荷朱古力>>杯<<薄荷朱古力>>反而有D驚喜!夠熱之餘又唔太濃,又無藥水味,又唔會淡而無味;濃郁而帶香!!! 可能我唔係食晚餐, 食雲南米線; 而只係食下午茶時段, 未食出到佢嘅真滇味!

住附近一直无食过，中午同先生去试下。我点了最基本的酸辣米线，先生点了牛腩汽锅粉。酸菜好味咸咸酸酸，味道也算正宗，但可能是味道有改良，没在云南吃那么酸，送粉好正。小辣基本就不辣了。汽锅一直食都好热，烫到……正宗的云南菜都是偏油偏重口味的，这里的已经改善了好多了。还点了香芹牛肉，其实想食香芹，但牛肉太多。柠檬皮太厚，杯热柠水涩到啊。总体还是不错的。不知道为什么差评这么多，可能我就试了一次吧。反正离家近，多来试

叫左個魚飯同雞飯，完全係港式餐廳做法。雞飯咖哩汁水溜溜，魚飯配港色紅燒豆腐。餐牌抄足荃灣普洱，雖同樣有朱古力普洱。但完全沒有普洱味，仲難飲過m記朱古力。商鋪位於旺角彌敦道鬧市中，但在晚飯時段只有廖廖可數的客人在店內，應該算是彌敦道中的唯一寧靜之地。對鍾情於港式味道但要求不高，又想享受於寧靜冇人煙的地方進餐，這或許也是一種選擇。帶著滿滿的期望進內，卻抱著重重的失望而回。不會再光臨，都係番荃灣食普洱。

這裡的米線不錯，這次食的是豬軟骨雞絲米線豬軟骨有點肥，不過好入味，咬著又林又多汁雞絲也入味，肉質軟林，雞味香濃米線又煙刃又林林地，有嚼口不糊口湯底生活豬骨湯底不油膩，好味

本人無寫食評，因為無謂唱人，最多唔去食。但今次要寫第一次，因為太離譜。 去食飯先借廁所，見餐廳內空無一人已覺不妙，問雜工粉色衫中年阿姐廁所位置，她大聲一喝"未入面囉，咁都見唔到"，之後仲問出面另一職員，'呢條友係米食飯架?"無錯，係用呢條友來形容我呢個客。食物，如其他網友所述，難食到不堪，但仍遠遠不及職員態度令人難堪。大家切記勿入，呢啲惡餐廳必須懲戒。

晚歺点了 五香腩砂锅米缐 ，上的是铁锅 ，较油腻，香味不浓，味淡，米缐淋，肉不多，冇菜，整碗就是油腻，味淡，少肉 。服務差，要水需自动，所以生意麻麻 。要我再次光臨 ？ 不作考虑 。

難得自己今日休息，但太太就要開工，所以就一早起床和她食個早餐。 牛油多士 ～ 多士脆口，牛油偏少。 火腿奄列 ～ 牛奶炒雞蛋，滑口但蛋味淡薄，火腿只微微煮熟了。 厚煎餐肉意粉 ～ 意粉沒有想像中淋，反而幾爽口；餐肉兩面均煎得幾香，微微脆口，竟然有點點驚喜。

今日去太子打波，晏晝食嘢又唔熟呢頭，咁見到呢間價錢3，40蚊都OK就入去啦。叫咗四個是日午餐同一個米線，個蝦仁雞粒炒飯同牛筋腩飯個味都唔太差，係份量少咗啲，不過三四十蚊就算啦。但問題嚟嘞，呢間唔係雲南嘢嚟㗎咩？啲嘢食港式過港式茶餐廳，反而特色飲品仲有特色，而且唔需要加錢，叫個紅豆朱古力，點知佢話紅豆未煲好，唉。其實我哋係學生，後尾佢改平咗張單，個數目又怪怪哋，個老闆娘仲叫我哋“寫多個嘢飲啦”。佢又拎起張單望咗幾轉，我懷疑佢想靠杯飲品收多十幾蚊。最可怕係成餐飯我見到超過十隻蚊先後出現，再加一隻烏蠅停咗喺餐牌上面，店內客人少之又少，恐怕呢個係原因之一。樓面啲衛生都咁不堪，廚房咪仲衰？於是我拿拿淋食完叫大家畀錢極速閃人，衛生咁唔掂，幾平都唔幫襯啦。

Lunchtime去食米線，叫個阿姐走青，阿姐謂「走蔥咪走蔥囉，咩走青」。我唯有無奈地解釋「唔只蔥，如芫茜之類所有綠色野都要走」。點知碗米線黎到，白晒晒零配料，問阿姐搞乜，阿姐即刻唔耐煩地話「你話要全部走晒嘛」。冇野好講，叫佢加翻「青」以外嘅配料，佢氣沖沖咁走入廚房，再拎住一碗芽菜行過黎大力敲落我枱面。咁冇常識又冇禮貌嘅侍應真係罕見，比個服字佢。以後都唔會再去囉。