緣聚西日餐廳 (西裕街) (已結業)

當晚落大雨，同朋友去到個陣佢話仲要等多陣，不過都好快有得入去。間鋪係地牢都幾特別，同朋友兩個人坐卡位，幾舒服，間鋪裝修得幾似酒吧，但坐位就似韓燒格調，播既音樂又似酒吧，同間鋪名完全唔襯ＸＤ一坐底就有兩杯野飲送埋黎，一杯係賓治一杯係荔枝，但好甜唔好飲。之後就叫野食，佢都幾多野食可以叫，一開始梗係叫左刺身先啦，唔錯都幾新鮮，而且都幾多款。但側邊個乾冰就多餘左，可以既話其實可以唔使放。等左一陣就有其他野食到左，Ｄ焗蠔好味道，炸物比想像中好，仲叫左好多野食不過唔記得影相。最頂癮係個焗薯估唔到佢咁細粒，不過好好食，之後諗住同朋友一人一粒就再叫兩粒啦，結果佢都係比得一粒我地佢有好多西式野，火鍋，不過食左會好多野都食唔到就無叫到，但其他多人Ｄ既都有叫火鍋個Ｄ，應該都幾錯。甜品唔錯都幾多款，有兩款韓國既雪條，又有豆腐花，好少見有豆腐花呢，食到濟濟地食個豆腐花都唔錯，而且飲品又可以自己去拎紙包，不過佢個即磨咖啡幾好飲。有機會下次同多幾個朋友一齊去食多次。