影片
更多
2019-09-18
274 瀏覽
去韓國食韓燒就必然，但係發現自己喺香港食韓燒都係第一次，好朋友生日就俾佢揸fit，佢話想食韓燒但我就冇係香港食韓燒嘅經驗，所以就跟住佢覓食，原來香港嘅韓燒都有返咁上下水準！呢間位於旺角洗衣街嘅Oppa Korean restaurant 地點就腳，行完街即刻坐低慢慢嘆今次我哋試咗呢個早朝套餐，三百幾蚊乜都有咁樣，決定睇下佢咩來頭，唔夠先再加餸，始終食肉都好易飽肚。坐低冇耐店員就會送上前菜同埋醬料，同韓國個模式一樣，唔洗餓住等，前菜有泡菜同紫菜，泡菜唔算太辣，酸酸地幾開胃，只在可以選擇就咁食或者包住啲肉食一樣咁正！嚟啦嚟啦！你睇吓夠五花腩幾大嚿脂肪分布得好靚，一層瘦肉一齊肥肉，但係其實燒起上嚟都唔係好肥，因為脂肪遇熱溶化，一陣陣香濃豬油保持住五花腩濕潤，就咁點燒肉汁加塊蒜頭冇得頂！店員好貼心，不時都會行埋嚟幫手剪下d大舊肉，反下兩邊幫燒靚佢至比你擺入口。so sweet,不過繁忙時段就體諒下啦，話晒韓燒自己揀，都係有責任自己燒既🤣爐邊蛋我大愛，而我就鍾意係半熟狀態食，夠晒滑夠晒滑溜又重蛋香！yummm 呢個就係迷你和牛拼盤，話就話迷你，其實二人份量都算幾多，不過我哋兩個食肉獸唔信k.o唔
呢間位於旺角洗衣街嘅Oppa Korean restaurant 地點就腳，行完街即刻坐低慢慢嘆
今次我哋試咗呢個早朝套餐，三百幾蚊乜都有咁樣，決定睇下佢咩來頭，唔夠先再加餸，始終食肉都好易飽肚。
坐低冇耐店員就會送上前菜同埋醬料，同韓國個模式一樣，唔洗餓住等，前菜有泡菜同紫菜，泡菜唔算太辣，酸酸地幾開胃，只在可以選擇就咁食或者包住啲肉食一樣咁正！
嚟啦嚟啦！你睇吓夠五花腩幾大嚿脂肪分布得好靚，一層瘦肉一齊肥肉，但係其實燒起上嚟都唔係好肥，因為脂肪遇熱溶化，一陣陣香濃豬油保持住五花腩濕潤，就咁點燒肉汁加塊蒜頭冇得頂！
店員好貼心，不時都會行埋嚟幫手剪下d大舊肉，反下兩邊幫燒靚佢至比你擺入口。so sweet,不過繁忙時段就體諒下啦，話晒韓燒自己揀，都係有責任自己燒既🤣
爐邊蛋我大愛，而我就鍾意係半熟狀態食，夠晒滑夠晒滑溜又重蛋香！yummm
呢個就係迷你和牛拼盤，話就話迷你，其實二人份量都算幾多，不過我哋兩個食肉獸唔信k.o唔到。
A4同M6和牛其實我就唔係太識分，不過入口即溶，牛味香濃，就係鍾意食佢淡淡油滲出嚟既口感！
怕肥嘅你可以食雪花牛小排同埋牛肋肉，呢兩個部位比較瘦，脂肪比例平均相比起和牛少，更come (趙)!
牛舌爽口又多汁，薄身好快熟👍🏻
睇到其實唔使落油都已經煎到，牛肉本身好新鮮好juicy!! 😋 delicious
而我就最鍾意咁樣食，用菜包住牛肉再加塊蒜頭，感覺健康啲之餘唔會啖啖入口都係肉，所謂泡泡龍話齋(吃肉不吃說香味少一半)
套餐包埋石頭鍋飯，有得揀雞豬或者牛，佢啲牛肉咁出色我冇理由唔揀牛，石頭鍋飯飯粒分明，仲有少少飯焦係底，味道比較淡，撈埋啲肉食同埋隻半熟蛋食就啱啱好！牛肉甜甜地，同本身提供嗰四隻燒肉醬有啲分別，似係中式牛柳嘅味道，唔錯，2個人share 都夠食。
事關我旁邊個牛魔王實在太鍾意食牛，最後決定叫埋佢嘅美國prime 安格斯肉眼扒,因為實在太抵食，250g先$168,就try try 佢！
哇哇哇，塊扒長過佢塊面。
肉眼本身無調味料，有少少香料喺上面，原汁原味，燒到半熟就食得。牛味唔算重，脂肪都唔多，咬落啖啖肉，送飯就一流喇！
張貼
