上戶酒場 (已結業)

現在去九龍城真係方便了很多，所以朋友也開始相約去九龍城食飯!以前去九龍城食飯，好少會留意日本菜，今日朋友竟然帶我黎到這間日本菜餐廳，而且係高質的。我地食左個二人餐，餐入面有一款食法我真係第一次食，就係龍蝦甲羅燒。坐低不久店員就為我地送上前菜，前菜是新鮮紅蘿蔔、青瓜點上沙旬魚和多春魚的醬汁，味道非常美味呀!!龍蝦甲羅燒，其實係1隻龍蝦整做兩食，一款係食刺身，另一款就係食甲羅燒。龍蝦甲羅燒的份量比平時食蟹肉甲羅燒多，蝦膏味道濃郁，入面還有蔥粒同龍蝦肉，非常美味。仲有梳打餅俾你一齊食，味道很正。刺身拼盤，刺身包括了油甘魚、吞拿魚和磯燒鮑魚!刺身非常厚身，油甘魚和吞拿魚都好新鮮，好香魚的甘魚味。而鮑魚用上磯燒的緣故，食落甜甜地，而且爽口。鹿兒島A4和牛肉眼，肉眼雖然係薄燒，但是份量都幾多。牛肉味濃，而且食落好juicy，仲配有炸蒜片、蔥花同牛肉汁，令味道更惹味。海鮮味噌湯，味噌湯內有蝦肉、蜆肉、豆腐、蔥花等，飲落味道鮮甜，有淡淡的味噌味。