影片
更多
2018-12-07
61 瀏覽
每逢食好嘢嘅時候，就覺得做人真係好幸福。第一次食一間日本放題店係坐得咁舒服㗎，座位之間隔得好遠，通道好闊，而且張枱好大，就算叫咗好多嘢食都唔會放唔落。好多時每次食放題都會因為出菜太慢而一次過落好多單，喺呢度出食物嘅速度實在太快，我哋一坐低比咗菜單俾店員之後，仲要話要等好耐，點知轉個頭已經上咗嘢食過嚟。而且呢度嘅店員好留意食客，之前食過嘅放題店遞左張紙好耐都無人接，今次我啱啱填完張紙，已經有店員留意到嚟接左我張紙走啦，服務態度非常良好。次真係非常肥美嘅，食落都好新鮮，螺片好甜，三文魚好鮮甜，而我最鍾意就係食佢個油甘魚同埋赤貝。叫左幾件壽司食，和牛壽司塊肉真係入口即溶，火炙芝士三文魚壽司，輕微咁少個芝士有少許溶化，火炙過嘅三文魚口感好特別。欣賞佢啲手卷都唔會太大件，唔會因為食咗件手卷之後就食唔落其他嘢，個軟殼蟹手卷炸得好好食，好香，葱拖羅蓉手卷份量都好足。叫咗個牛肉鍋食，個湯汁真係好甜，又充滿肉味，蔬菜吸收晒啲湯汁特別鮮甜。佢啲串燒火候控制得好好，唔會燒到乾爭爭，最鍾意就係食日本甜番薯，細細粒。忌廉扇貝、芝士焗生蠔，芝士焗大蝦，呢三個真係要必叫泥食，啱啱送上嚟熱辣辣即刻食。呢度嘅天婦羅唔會
第一次食一間日本放題店係坐得咁舒服㗎，座位之間隔得好遠，通道好闊，而且張枱好大，就算叫咗好多嘢食都唔會放唔落。
好多時每次食放題都會因為出菜太慢而一次過落好多單，喺呢度出食物嘅速度實在太快，我哋一坐低比咗菜單俾店員之後，仲要話要等好耐，點知轉個頭已經上咗嘢食過嚟。而且呢度嘅店員好留意食客，之前食過嘅放題店遞左張紙好耐都無人接，今次我啱啱填完張紙，已經有店員留意到嚟接左我張紙走啦，服務態度非常良好。
次真係非常肥美嘅，食落都好新鮮，螺片好甜，三文魚好鮮甜，而我最鍾意就係食佢個油甘魚同埋赤貝。
叫左幾件壽司食，和牛壽司塊肉真係入口即溶，火炙芝士三文魚壽司，輕微咁少個芝士有少許溶化，火炙過嘅三文魚口感好特別。
欣賞佢啲手卷都唔會太大件，唔會因為食咗件手卷之後就食唔落其他嘢，個軟殼蟹手卷炸得好好食，好香，葱拖羅蓉手卷份量都好足。
叫咗個牛肉鍋食，個湯汁真係好甜，又充滿肉味，蔬菜吸收晒啲湯汁特別鮮甜。
佢啲串燒火候控制得好好，唔會燒到乾爭爭，最鍾意就係食日本甜番薯，細細粒。
忌廉扇貝、芝士焗生蠔，芝士焗大蝦，呢三個真係要必叫泥食，啱啱送上嚟熱辣辣即刻食。
呢度嘅天婦羅唔會食到一口油，外面嗰層粉張好薄，炸到好香，而佢個芝麻雞翼好脆，加咗芝麻好香，入面嘅肉仲係好嫩滑。
清酒煮扇貝，有清酒味但唔算濃，冬天食會好暖胃。
雪糕我試咗綠茶味同埋芝麻味，綠茶味個茶味好重，亦都有賴未頭，所以成日都好甜，忍唔住食咗七球。
四個人食每人食二百幾蚊，環境舒適，服務態度好，上菜速度快，食物質素高夠新鮮，實在係一種享受。
張貼
