神輿日本料理

Mikoshi Japanese Restaurant
289
17
25
港鐵旺角站 E1 出口, 港鐵旺角東站 B 出口, 港鐵油麻地站 A1 出口 繼續閱讀
電話號碼
31608456
營業時間
今日營業
16:00 - 01:00
星期一至四
16:00 - 01:00
星期五至六
16:00 - 02:00
星期日
16:00 - 01:00
公眾假期前夕
16:00 - 02:00
付款方式
Visa Master 現金 銀聯
其他資料
深夜營業
有關餐廳
非一般日本放題料理:光猛闊落企理x質優精緻美食
食日本放題不怕好擠迫 ── 位於旺角的神輿日本料理,非一般的高質放題盡在眼前!

神輿日本料理,以日式和風木系布置作主題場景,空間感偌大,座位寬闊企理,猶如置身高級料理店。大人小朋友都可放鬆心情,吃喝無束縛!分不同時段任飲任食,更營業至凌晨一時,可謂冠絕區內日本放題料理店。遲收工的朋友,亦可趁機嘆盡日本料理,飲飽食醉無難度。

與此同時,由大廚團隊精心揀選配搭,炮製上等料理,呈獻多元化選擇。由日式小食、壽司名物、即叫即製主食、炸物、天婦羅、鍋物及一品料理等誠意登場,上演一幕幕無間斷的美食大匯演。推介美食包括精緻小食如芝士年糕、甘香可口的海蝦及芝士焗虎蝦、juicy無比的汁燒一口牛、即叫即炒鰻魚炒飯以及任食加拿大或韓國的海膽。

貼心舒適,超值抵食,歡迎預約本店,一嚐日式放題激優至尊體驗!

食評 (368)
等級4 2019-04-13
243 瀏覽
近日經常OT做到無停手😓。今晚終於可以準時下班,即興約同事聯誼一下,就選擇了公司附近創興廣場5/F 「神輿日本料理」食日式放題👏進入餐廳門口,擺設已經感受到一股日式風格這裡坐位闊落,加上柔和嘅燈光好舒服😌很得意啊!書本📚落單紙,食物種類繁多,分別有刺身、壽司、卷物手卷、小食、炸物、天婦羅、爐端燒、一品料理、主食、鍋物、飲品等等⋯急不及待品嚐,刺身很生鮮,甜蝦和帶子味道鮮甜美味😋海膽壽司🍣,海膽食落不會有腥味😋壽司🍣我嘅至愛😍鰻魚壽司,質肉結實,另一樣火灼三文魚壽司微微焦香,不加豉油和Wasabi 食都夠味啊!芝士焗虎蝦、芝士焗蠔、忌廉焗帶子、七味焗雞翼,即叫即製,熱騰騰,很香口味道一流😋😋關東煮🍢,湯底清淡,魚旦爽口彈牙😋原條秋刀魚,分量十足,味道不會過鹹😋最後輪到食甜品🍰,自助形式,擺放了精緻西餅蛋糕🧁今晚很滿足和同事一起傾計中享受日式放題👏👏 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-23
634 瀏覽
天氣比較差,但胃口冇變差, 仲想大吃一餐。 唔食自助餐,就嚟一次日式放題啦!食肆裝潢好有日式風味,燈籠、紅色鳥取、木牌…一入座會有杯好濃的綠茶,唔鍾意綠茶可以揀其他。點餐紙由A至K,款式甚多。A~刺身三文魚: 厚切肥美,冇出水油甘魚: 鮮甜美味八爪魚: 新鮮有咬口松葉蟹棒: 一般帶子: 軟滑吞拿魚: 有根鯛魚: 新鮮嫩滑北寄貝: 有咬口象拔蚌: 爽口希靈魚: 甜美馬刀貝: 鮮美甜蝦: 甜美赤貝: 味淡蠑螺: 較硬B~壽司海膽壽司: 冇苦味芥辣八爪魚: 濃烈的芥末醬喺口中散發, 紫菜好脆鰻魚: 無骨,醬油夠火灼和牛: 和牛入口即溶劍魚: 肥美左口魚邊: 有咬口彈牙火灼芝士三文魚: 芝士唔會蓋過三文魚的味道醬燒蟹柳: 蟹柳微微灼過玻璃蝦: 比較細隻C~卷物手卷牛油果蟹棒卷: 樣貌似加州卷,但係入面有牛油果龍蝦和牛卷: 龍蝦同和牛的味道都幾夾黃金蟹卷: 蟹好脆D~小食芝麻八爪魚: 八爪魚大大隻,醬汁夠中華沙律: 新鮮開胃E~ 炸物、天婦羅榴槤球: 有好香的榴槤味 紫心香芋丸: 唔會太甜,但係香芋份量較少吉列炸蠔: 蠔鮮甜芝麻脆皮雞翼: 芝麻好香,雞翼唔會炸得太油膩日本蕃薯: 蕃薯甜到漏鹽燒雞腎串: 較硬一口牛: 多汁F~爐端燒海老: 一般 黑椒豚肉串: 黑椒味都幾香菠蘿: 鮮甜冇渣鹽燒白魚丸: 白魚丸香口醬燒花姿丸: 花姿丸彈牙H~一品料理(二)芝士焗虎蝦: 虎蝦彈牙 金菇牛肉卷: 必叫,牛肉汁多,燒得微燶香口蜜汁豬頸肉: 有咬口,醬汁濃郁甜品有自取/落單荔枝茉莉花茶果凍: 有荔枝味竹炭豆腐蛋糕: 豆腐味都幾濃,蛋糕唔會淋身薄荷慕絲蛋糕: 薄荷味重,幾特別 雲石芝士蛋糕: 芝士味道都幾濃郁壽司細細件都幾滴骰,食多幾件都唔會覺得太飽肚,仲有空間可以食埋其他嘢。兩個鐘頭任食,冇漏單,侍應都跟得好足,服務態度都幾好 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-14
948 瀏覽
三月中星期二晚上,天氣有點暖。最近工作忙,經常加班,喜歡吃放題的友人說今晚帶我吃好料,原來他在旺角發現了一家日式放題。電梯門打開已經一片和風盡收眼底,有許願牌給客人寫上心願,好像處身日本寺廟一樣。菜單厚厚一大本,刺身壽司燒物不可少,壽喜燒,麵食,丼飯應有盡有,加28塊就可以點酒精類飲料,價錢合理。先來一份刺身拼盤,很夠新鮮,最喜歡北寄貝和吞拿魚,北寄貝爽口厚身,吞拿魚呈淡粉紅色,看上去比一般外面的鮮紅色正常多了。壽司全為手握壽司,通常吃放題我是絕少點海膽,一點點不新鮮就會滿口腥臭味,但這裡的海膽壽司夠鮮甜,看得出食材的品質。點了份燒物拼盤,有手工丸子,汁燒一口牛,燒海老,其中燒雞腎薄切惹味,爽口有嚼勁,長長一條的鹽燒秋刀魚肉質鮮甜,火喉剛剛好。炸物有炸榴槤球,炸芝士年糕,芝麻雞翅,我們對於炸廣島蠔十分欣賞,差不多有手掌大,炸皮酥脆,鎖住蠔汁又鮮嫩十足。最後就拿了綠茶雪糕,淡淡的清新綠茶味很適合作為飯後甜點。去過那麼多家放題店,這家是最舒適的,從未坐過卡位,而且有兩張大桌子,不需要擔心桌太小放不下食物,有屏風隔開鄰座,很有個人空間。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-19
1995 瀏覽
每次輪到 #小秘書 搵地方食飯,我都會好頭痛 😪 A話怕食辣、B又話要減肥... 真係 #順得哥情失嫂意 😏 好在 #琴晚 有人話好耐無食過 #日式放題 🍣🥢 ... 咁就啱哂啦🤩一般做 #放題 嘅 #餐廳 都會坐到好鬼迫,可能 #老闆 要做多幾轉生意掛🧐 所以 #小秘書 都怕怕😪 不過朋友提議可以去 神輿日本料理 Mikoshi Japanese Restaurant 試吓,嗰度嘅裝修帶有傳統日式風味,大部份嘅餐枱都以 #神社 ⛩️ 嘅框架嚟相隔,外貌好特別👀講到食物,#神輿 嘅選擇非常多,單係 #落單紙 已經要由A數到去K (J除外)🤩 #魚生、#壽司、#爐端燒... 睇到我 #眼花撩亂🤣 要讚一讚嘅係 #神輿 嘅上菜速度,而且成晚都無漏過單👍🏻 試過喺其他餐廳落單,以為啲嘢唔嚟,之後我哋又加單... 最終搞到成枱都係同款食物,要K.O哂佢哋都唔係容易😅而不得不提嘅係 #神輿 嘅 #炸榴槤,師傅將佢炸到金黃色咁圓碌碌,一啖咬落去充滿 #榴槤果肉,鍾意食 #榴槤 嘅你,一定要試吓🥳 整體食物質素都唔錯,#魚生 都好新鮮🐟 加送嘅 #海膽 #壽司 都好鮮甜,係嫌佢份量少咗啲啫😝 最後食埋杯 #雪糕 飽哂🥰 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-19
324 瀏覽
今日同屋企人出去食晚餐,上次同呀妹食完日本嘢之後就好想再去食日本嘢,於是係網上搵咗間叫神輿嘅日本餐廳,有放題,一定唔會唔夠喉啦!我地Book咗6點,好快就可以入座,入座之後見到檯面有本好厚嘅簿,原來係呢間餐廳嘅餐牌,我覺得都幾特別,餐廳嘅餐牌居然係一本咁厚嘅簿,裡面有寫A、B、C、D、E、F、G、H、I、K 10張紙,有分曬唔同類別,而我最想食就係刺身,於是就每樣魚都叫咗少少,而三文魚就叫咗最多,佢每塊三文魚都好厚,次次食落口都覺得好滿足好香口,其實魚例如吞拿魚,同蝦我都覺得幾鮮甜。另外,小食方面,就點咗蒜香茄子、牛油粟米同肥牛金針菇。首先,個蒜香茄子我覺得都幾香,蒜味都幾足嘅,之後我都有叫多一碟,唔錯唔錯。而牛油粟米就幾香牛油味,食幾多都唔會膩,但係一碟分量都多,一碟都足夠啦。肥牛金針菇就覺得佢整得幾香,食落好多汁,有燒烤嘅味道,鎖住啲汁係裡面。之後呢就叫咗唔同嘅壽司,有三文魚壽司、吞拿魚壽司、蝦壽司同鰻魚壽司等等等等,佢個三文魚壽司幾好味,我最鍾意就係三文魚壽司,好味之餘,又香甜。而嘢飲方面,就印咗兩隻,一隻就係普通樂天忌廉溝鮮奶(蜜桃味),而另一隻就係蘆薈味嘢飲品,去飲品種類都ok多,有烏龍茶呀,芒果汁等等,都不錯喝哦!最後當然唔少得甜品啦,我食咗好多甜品,有抹茶蛋糕、朱古力蛋糕等等,味道正正常常,種類都有8、9樣左右,選擇都ok多架!總括黎講,我覺得呢間餐廳都幾好味,服務態度唔錯,唯一不足嘅係啲枱有少少震,舉手墊張墊枱紙就最好喇,總體黎講食物不錯吃,服務態度都唔錯,收嘢速度都幾快,值得欣賞。 繼續閱讀
(以上食評乃用戶個人意見 , 並不代表OpenRice之觀點。)