知味駅 (已搬遷) 新店位置

竟然喺第一城站發現間隱世素食小店！依間素食小店位於第一城既「愉翠街市」，雖然鋪仔細細但款式同味道都不差於出面素食餐廳咖。嗌左個 「咖喱素豬扒飯」。上枱果陣仲熱速速、識出煙咖。蔬菜款式有心思，唔係得薯仔蘿蔔，仲有鷹嘴豆、栗米仔、西蘭花等等，好ruitful😳豬扒款式上無咩特別，係素食鋪最常用果種素肉🙊雖然無吉烈果種脆感，但半煎炸得微脆，而豆肉扎實鬆軟，非常有嚼感。重點係佢超大碟又超多汁，咖哩汁介乎日式與印式之間，啖啖汁撈飯好appetizing😍😍除左咖喱素豬扒飯，佢仲有好多其他素食！例如 素肉燥叉燒飯、牛油果煙肉意粉、手撕雞冷麵、沙嗲素雞串、鰻魚牛油果手卷、素三文魚壽司 等，聽落好有特色，再經開第一城應該會試下。