个園竹語

營業中

休息中

今日同老公嚟海港城行完街，突然想搵間中菜食下，搵到間个園竹語主打食滬菜，就試下呢間啦。 餐廳環境雅致，融合傳統韻味與現代感，由著名獲獎室內設計公司打造，仿佛走進庭園內用餐，感覺舒服寧靜。 餐牌上每款食物都十分精緻，非常吸引。職員先送上餐前小食。 慢燒煙燻脆皮雞：呢個脆皮雞真係好值得推薦，賣相整齊排列好。雞做到皮脆肉嫩，肉質唔會因為煙燻過長時間而變粗糙，而且還有肉汁，食落陣陣煙燻香味。 個園揚州蛋絲炒飯：飯炒得好乾身，粒粒分明，蛋絲切得好幼細，蛋香味濃郁。 鐵板上的小籠包：呢個係店舖必點菜式，小籠包包底香脆，溫度熱燙，皮薄但有足夠灌湯，肉汁超豐富🤩。 蘭梅桂花拉糕：飯後加個小甜點，蘭梅桂花拉糕帶有淡淡清新嘅桂花香味，甜度恰到好處，口感煙煙韌韌，咬落有Q彈口感。