十字冰室 (The Argyle)

營業中

休息中

放假適逢落雨，懶懶閒響屋企hea到1點幾先出街食野，於是就去左一路好想試既十字冰室。本身仲擔心間野咁出名要排隊，好彩下午去到冇乜人，唔洗等就入得。一場黎到當然要試佢個皇牌餐，蕃茄牛肋湯通粉味道唔錯，蕃茄湯唔會太酸，岩岩好，而牛肉煮到淋淋地，雖然有少少筋，但可以接受。自己覺得個通粉份量太多，食到好飽跟餐野飲我叫左熱檸蜜，其實可以加錢轉其他十字牌野飲。個黑松露炒蛋好滑，抵讚呢。不過個多士我唔記得左叫烘底，味道係還好。價錢響茶記黎講算略貴，但環境+香港本地品牌就加哂分啦，間唔中試下都ok。