影片
更多
2011-10-16
659 瀏覽
一直都幾欣賞東海o既送菜,之前都有去the one o既東海,覺得野食真係唔錯,係貴d啦...雖然本身唔係大閘蟹迷, 一場黎到都想試試東海大閘蟹有幾巴閉...今次係同媽咪慶祝生日, 九個人黎食飯,帶埋蛋糕黎好彩佢地都唔收切餅費,唔錯丫...既然佢以365東海蟹為名, 都試試用大閘蟹做主題o既菜式同試下其他蟹丫...蟹 大閘蟹, 唔係個個都食, 幾個想試試都係叫左兩隻,都百幾蚊一隻果然幾貴,都算大隻,唔記得幾多兩, 我食左半隻, 食左d蟹羔果然甘香和味,難怪咁多大閘蟹迷為lei d蟹羔著迷, 個蟹身o既肉都算實淨, 佢個醋係好好味, 濃濃地,比一般o既杰, 個醋都值得加分...蟹粉小籠包, 一人一籠, 好大粒,要趁熱食...好足料o既蟹粉同豬肉, 雖然皮就厚左少少, 但入面個湯同涵加埋d醋一齊食真係唔錯架...蟹粉厚炸蟹肉球, 好大粒, 用麵包糠包住黎炸, 好金黃, 再點埋d蟹粉黎食,好味! 蟹球夠爽...諗起都想食多次...狀元醬肉蟹伴蒜蓉包, 400蚊一份,我以為都會好多下, 原來得一隻蟹, 中size咁啦, 個"狀元醬" 唔知點解命名, 好稀冇味, 似椰汁咁, 隻蟹都唔算好多肉食,
既然佢以365東海蟹為名, 都試試用大閘蟹做主題o既菜式同試下其他蟹丫...
蟹
大閘蟹, 唔係個個都食, 幾個想試試都係叫左兩隻,都百幾蚊一隻果然幾貴,都算大隻,唔記得幾多兩, 我食左半隻, 食左d蟹羔果然甘香和味,難怪咁多大閘蟹迷為lei d蟹羔著迷, 個蟹身o既肉都算實淨, 佢個醋係好好味, 濃濃地,比一般o既杰, 個醋都值得加分...
蟹粉小籠包, 一人一籠, 好大粒,要趁熱食...好足料o既蟹粉同豬肉, 雖然皮就厚左少少, 但入面個湯同涵加埋d醋一齊食真係唔錯架...
蟹粉厚炸蟹肉球, 好大粒, 用麵包糠包住黎炸, 好金黃, 再點埋d蟹粉黎食,好味! 蟹球夠爽...諗起都想食多次...
狀元醬肉蟹伴蒜蓉包, 400蚊一份,我以為都會好多下, 原來得一隻蟹, 中size咁啦, 個"狀元醬" 唔知點解命名, 好稀冇味, 似椰汁咁, 隻蟹都唔算好多肉食, 好淡呀....蒜蓉包就硬左少少, 都ok o既...我對lei份蟹就失望喇....唔值....
蒜片和牛粒, 小食必食呀, 炒得好味, d牛粒8成熟左右, 好有牛味, juicy的..加上蒜片又係好香口, 好味...炭燒牛舌, 我冇食到, 不過個樣都唔錯, 唔會話切到好厚, 屋企人話都唔錯架, 仲係睇左comment, 其他人話好食先叫o既...
醬油脆皮雞, 即係炸子雞咁啦, 都好似成300蚊隻, 應該係新鮮雞黎, 個皮好香口, 肉都滑,唔鞋口, 個醬油咸咸甜甜適中,好味...
沙薑生煎雞, 有得叫一隻or半隻, 我地已有炸子雞就叫左半隻黎食, 幾特別o既廚法, 雞切片,再mix沙薑煎香,加入大蔥,好香好食, 係咸左d啦...
啫啫生菜煲, 加入蝦醬兜過, 好香不過就過咸,生菜林左少少, 再爽返d會更好食, 同埋落多左蝦醬喇...
咕嚕肉, 我地家人去到邊都鍾意叫黎食, 佢都整得唔錯, 食落仲脆口唔會話林晒咁, 即炸完再兜返酸甜醬, 都唔錯,好食...
東海壽包, 話明媽咪生日緊係要叫壽包,雖然又有蛋糕又好飽, 東海o既壽包都幾出名,成19蚊一隻, 每隻都有一大粒咸蛋黃,我地叫7隻, 不過真係食唔落,打包左4隻...
之前見有人話lei 度d service唔ok, 我地都好同意, 我地其實有三碟送都漏左單, 之前我想叫個椒鹽豆腐粒, waitress話佢地冇, 我仲話有晒相都冇得食?? 真係奇怪呀, 佢話佢地冇椒鹽豆腐, 係得百味豆腐, 咁我睇返menu, 原來我地所諗o既椒鹽豆腐粒佢地係係叫"百味豆腐"....咁佢地都可以問聲我地係咪講緊o個樣呀, 唔係一句"得"埋黎話"冇"囉....仲要最後都係漏單冇黎, 我仲有叫左個雲吞浸時蔬都係冇黎.....咕嚕肉都漏單架,但我地想食叫佢整返ja...我地同個waitress講漏晒單喎, 佢仲要話佢有寫到, 係其他同事冇入單...我地心諗: 喂, 我而家唔係叫佢賴其他人呀, 你做寫單, 就算唔係你入單,你都有責任負責同我地對下張單啦,係咪呀?? 後尾佢話送糖水比我地, 有薑茶湯圓同腐竹糖水...兩樣都唔錯啦...仲想講, 我地食完大閘蟹都冇主動比薑茶我地飲....唉...
其實食物真係唔錯架, 係服務就真係唔太好喇....既然東海係大集團, 價錢都唔係話便o個d, 點解唔請返多d優質d o既店員or 培訓下佢地d 工作態度呢? 希望多加留意返...
張貼
