影片
更多
2020-12-02
297 瀏覽
大家都記得之前講過，要吃壽司唔一定要坐低，如果突然間你想食下海膽，白子，其實而家香港都有很多選擇，簡單二三百就食到不少特別嘅選擇。 當然有人話食壽司郎，但要排到七彩，尖沙咀個幾間立呑壽司就真一個唔錯嘅選擇。 上次食過鮨廷，今次選擇多好多人排隊嘅立鮨。 你要知道受歡迎嘅程度係，上次七點幾去秋刀白子已經售罄，就連剝皮魚都冇埋。 於是今晚只能食啲平時食開嘅選擇。 價錢其實同鮨廷差不多，但的確佢嘅配套冇鮨廷咁好，唯一投訴就係佢哋用塑膠碟放豉油同俾你食壽司。 天氣有點凍，先要碗味噌湯飲下。 由於好多時令已經售罄，就叫點最穩陣嘅嘢，聽聞呢度嘅火炙三文魚壽司好得，食落不錯。 原隻活赤背壽司，呢個價算非常出色。 北海道象拔蚌，睇樣都知得，咬落去亦都非常爽口。 油甘魚壽司，夠厚身，質素幾好。 海膽壽司，係無左秋刀同白子之後嘅必選。 火炙大吞拿魚腩海苔壽司，我老婆食完之後話非常好食，始終佢對魚腩都係有一個深厚嘅感情。 由於佢熱愛牛油果，揀咗個牛油果壽司俾佢，配上魚籽又唔錯。 金目鯛壽司從來都是我最愛，夠鮮夠濃味。 火
當然有人話食壽司郎，但要排到七彩，尖沙咀個幾間立呑壽司就真一個唔錯嘅選擇。
上次食過鮨廷，今次選擇多好多人排隊嘅立鮨。
你要知道受歡迎嘅程度係，上次七點幾去秋刀白子已經售罄，就連剝皮魚都冇埋。
於是今晚只能食啲平時食開嘅選擇。
價錢其實同鮨廷差不多，但的確佢嘅配套冇鮨廷咁好，唯一投訴就係佢哋用塑膠碟放豉油同俾你食壽司。
天氣有點凍，先要碗味噌湯飲下。
由於好多時令已經售罄，就叫點最穩陣嘅嘢，聽聞呢度嘅火炙三文魚壽司好得，食落不錯。
原隻活赤背壽司，呢個價算非常出色。
北海道象拔蚌，睇樣都知得，咬落去亦都非常爽口。
油甘魚壽司，夠厚身，質素幾好。
海膽壽司，係無左秋刀同白子之後嘅必選。
火炙大吞拿魚腩海苔壽司，我老婆食完之後話非常好食，始終佢對魚腩都係有一個深厚嘅感情。
由於佢熱愛牛油果，揀咗個牛油果壽司俾佢，配上魚籽又唔錯。
金目鯛壽司從來都是我最愛，夠鮮夠濃味。
火炙松葉蟹腳壽司，都幾好，不過如果粗壯一點應該會更加精彩。
深海池魚，又係抵食一定要必選。
最後嘅珍寶赤蝦壽司，都是非常令人滿足。
由入到去都食完，前後不用40分鐘，就這樣滿足了個客嘅壽司癮。
怪不得有咁多間分店。
當然你話質素係非常上乖一定唔係，但係同吸毒嘅人飲美沙酮一樣，呢度有同樣嘅意義。
立鮨
尖沙咀金馬倫道23號金馬倫廣場地下D舖
張貼
