阿久根和牛立燒店 (已結業)

繼早前立食壽司後，又一立食。今次係立食燒肉。🔥🔥哩間立食店有大約10個爐，有大有細夠俾2-4 個人一齊燒。唔好以為立食燒肉好求其，其實都食得好講究，牛既每一個部位都分得好仔細，有分上中下前後既胸腹肉，又有西冷肉眼，仲要分埋A4/A5級數，真係食得好專業。我地就叫左一個套餐，再散叫其他肉類。風味和牛定食有牛肉：胸腹肉（上&下），肩胛，A4肉眼麵豉湯（有蜆肉）沙律拌飯素另外，我地試均佢既上中下前後5款既胸腹肉，各有唔同既口感。😋仲有前胸，後腿肌，三角肋骨，哩幾款就比較肉質結實少少，畢竟都係走地牛經常運動既部位。牛味勁重。唔少得仲有薄切牛舌，一燒就燒。第一塊食佢就最啱不過喇！今日我地都算豪爽，叫左一塊西冷同一塊肉 眼試試佢，我自己就比較中意食肉眼喇，唔知大家又中意食邊款呢？至於其他肉類仲叫左：摯愛既雞軟骨，仲有雞肉串、黑豚肉串。肉串味比較淡，可以加調味粉，有3款：海鮮辣，蒜味辣，仲有唔敢試既10萬辣😂😂蔬菜方面，就叫左翠玉瓜、冬菇、甜薯。記得睇火呀，哩d都好易燒燶或者燒到乾爭爭嫁。順帶一提，店入面有沙冰可以叫，或者可以去哩部嘟嘟販賣機，揀自己中意既飲品，我地就㩒左罐芒果味啤酒試下。