阿久根和牛立燒店 (已結業)

去到新開張嘅日式燒肉店，呢度嘅特色除左係日本牛肉之外，仲係要立食嘅模式，啱晒香港地少人多嘅狀況。食材以每件份量計算，食幾多就燒幾多，加上醬汁醬料自己隨意添加，口味完全由自己控制。首先黎到當然係各款牛肉部位，上胸腹肉帶有適量嘅脂肪，入口非常嫩滑，厚切嘅牛身前胸部，帶有咬口嘅質感，加上牛肉嘅肉香味，亦係非常可口。黑豚肉亦係愛肉之人必點，肉質帶有豬肉嘅爽勁，燒得有香烤感覺，入口品嚐確實一流。除此之外，海鮮亦係唔錯嘅選擇，鰻魚本身已經有浦燒嘅醬汁，再係明火上燒一燒，令外皮更香脆、更有口感; 雞軟骨同墨魚咀亦係令人食過不停，係爐上燒得脆身，加上醬汁一齊燒，亦散發出無窮香味，食多兩串都唔過份。