翔壽司 (已結業)

餐牌只供參考，因為我去食果陣係下晏，所以叫左個set 三文魚親子丼，平平地百幾蚊就試下佢啦。前菜有個沙津，普普通通無特別，係岀餐幾快因爲師父就係你前面。仲有個麵si 湯，都係無乜特別，豆腐同蜆肉都無一粒得d葱，相信係溝熱水而成。親子丼唔錯，三文魚好新鮮，唔腥無乜脂肪，平時食到唔新鮮既明太子會毀左成個丼，今次呢個明太子好好味，好似爆珠咁不過個飯就本身有味，唔知再加左豉油所以咸左少少，但都接受既。不過初體驗感覺mama，始終唔習慣無得坐係度食野，感覺成日阻人岀入咁，所以拿拿聲食完走人